Брытанская разведка: Расіяне ставяцца да магчымасці ўкраінскага контрнаступлення сур'ёзна
Расія ўмацоўвае свае абарончыя пазіцыі на акупаваных тэрыторыях поўдня Украіны, ідзе перакіданне жывой сілы і тэхнікі на ўчасткі паміж Марыупалем і Запарожжам, а таксама ў Херсоне. Расійскія сілы ў Мелітопалі таксама ўзмацняюць меры бяспекі, гаворыцца ў аглядзе разведкі брытанскага абароннага ведамства.
![](http://d3kcf2pe5t7rrb.cloudfront.net/img/w840d4webp1/photos/z_2022_07/imgonline-com-ua-compressbysize-r9usfmoydaq-e1lj2.jpg.webp)
«Украінскія войскі ўжо больш за месяц аказваюць ціск на расійскую абарончую лінію ў Херсонскай вобласці. У нядаўніх палітычных заявах прэзідэнта Зяленскага гаворыцца пра маючыя адбыцца наступальныя аперацыі, накіраваныя на выцясненне Расіі з раёнаў, якія яна ў цяперашні час кантралюе.
Расійскія абарончыя дзеянні, верагодна, з'яўляюцца адказам на чаканае ўкраінскае наступленне, а таксама на патрабаванні міністра абароны Сяргея Шайгу, выказаныя падчас час яго нядаўняга візіту ў Данбас, і на атакі, якія Украіна праводзіць супраць камандных пунктаў, вузлоў тылавога забеспячэння і засяроджвання расійскіх войскаў», — гаворыцца ў аглядзе.
Умацаванне пазіцый на поўдні, верагодна, сведчыць пра сур'ёзнасць, з якой расійскае камандаванне ставіцца да пагрозы ўкраінскага наступлення, лічыць брытанская разведка.
Каментары