У Бранскай вобласці згарэла тэхніка ў вайсковай часці. Былі паведамленні пра выбухі ФОТА
У Клінцах, якія знаходзяцца недалёка ад мяжы з Украінай і Беларуссю, раніцай у суботу гарэла вайсковая часць. Мясцовыя паблікі паведамлялі са спасылкай на відавочцаў, што было некалькі выбухаў.
Вось некаторыя паведамленні з Клінцоў:
«Што здарылася каля 5:50? Быў адзін магутны выбух, пасля былі яшчэ тры?»
«Кажуць, што вайсковая часць гарыць. Салдаты тэрміновай службы ў піжамах на трасе каля крамы»
Пасля былі апублікаваныя фота згарэлых вайсковых грузавікоў.
Прычыны пажару пакуль невядомыя. Расійскія паблікі даюць супярэчлівую інфармацыю пра ўкраінскія ДРГ.
Каментары