Беларус паставіў фотапастку, каб нічога не скралі з будоўлі. Скралі фотапастку
Жыхар Быхаўскага раёна Магілёўскай вобласці 24 красавіка паскардзіўся ў міліцыю, што ў яго са двара скралі фотапастку, якую ён паставіў, каб пазбегнуць крадзяжоў на будоўлі.
Падрабязнасці крымінальнай справы расказала ў эфіры праграмы «Прычыны і следства» на «Радыё-Мінск» прэс-сакратарка Следчага камітэта Юлія Ганчарова.
Злодзей быў зафіксаваны фотапасткай, а гаспадару дома на мабільны тэлефон прыйшло паведамленне з фатаграфіяй выкрадальніка. У той жа дзень міліцыя знайшла 63-гадовага мясцовага жыхара, які здзейсніў крадзеж.
Мужчына распавёў, што яго ўвагу прыцягнула прылада, усталяваная на неагароджанай тэрыторыі будоўлі. З цікаўнасці ён забраў яе дадому і ўскрыў. Але не знайшоўшы нічога цікавага, паспрабаваў ад яе пазбавіцца і быў затрыманы.
Мужчыну будуць судзіць за крадзеж.
«Для Кіева было б лепш, каб Беларусі не існавала наогул». Вялікая размова з украінскім палітолагам Яўгенам Магдам11
Каментары