Меркаванні

«Калі чужы балкон — шкатулка святла, акно ў недасяжную штодзённасць». Юлія Чарняўская напісала пра лета пад хатнім арыштам

Культуролаг Юлія Чарняўская напісала на сваёй старонцы ў фэйсбук пра тое, як правяла лета пад хатнім арыштам.

Фота з фэйсбука Юліі Чарняўскай

«Усё лета я глядзела на балкон суседняга дома. Старога мінскага дома ў старым мінскім двары.

Адтуль лілося жоўтае хатняе святло дзяцінства, як з бабулінага балкона, адкуль мяне вось-вось паклічуць вячэраць. (Клікаць будуць доўга, не даклічуцца, потым, як цяжкую артылерыю, вышлюць тату, і ён пацягне мяне па лесвіцы, па-хірургічнаму моцна ўхапіўшы за перадплечча).

Гэтае акно было даволі далёка. Таму я ніколі не бачыла гаспадароў кватэры. Але святло загаралася ў адзін і той жа час і ў адзін і той жа згасала. Я разумела: гэта кухня, у такіх дамах балкон звычайна на кухні, як тады ў нас.

Зайшлі павячэралі — выключылі. Потым нехта зазірнуў выпіць перадначнога кефіру, запаліў святло на імгненне — выключыў. Сыходзячы гасіце святло. Чаго яму гарэць дарма?

Яны не ведалі, што для кагосьці іх балкон — шкатулка святла, акно ў недасяжную штодзённасць. Я радавалася, калі ён пачынаў свяціцца. І радавалася, калі гас: людзі ішлі спаць, бо заўтра рана на працу. Гэта было нармальна і таму радавала. Радуешся таму, што недзе існуе звычайная штодзённасць, жыццё людзей. Хочацца верыць, што добрых.

Мне да чорцікаў было патрэбна гэтае балконнае акно…».

***

Юлія Чарняўская застаецца абвінавачанай па справе Тутбай. Ёй змянілі меру ўтрымання з хатняга арышту на забарону пэўных дзеянняў. Яна была пад хатнім арыштам з 18 мая.

Зараз яна можа выходзіць з дома, але напрыклад, не можа карыстацца сацсеткамі. Такую самую меру ўтрымання СК раней абраў яшчэ для двух фігурантак справы — юрыстак Ірыны Касцючэнкі і Кацярыны Ткачэнкі.

Па інфармацыі НН, змена меры ўтрымання Чарняўскай можа быць звязана са станам яе здароўя.

Каментары

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Усе навіны →
Усе навіны

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам15

«Бунт» з-за раёна, чаўнакі на паўзе і лёс старога парку. Чым жыве самы заходні горад Беларусі?

Аўстрыйскі палітолаг спрагназаваў, што пачатку вайны Расіі з НАТА можа папярэднічаць паўстанне палякаў у Беларусі. А чаму не бунт рэптылоідаў?10

«Мае аксэсуары прыносяць поспех, упэўненасць у сабе і грошы». Спявачка Галіна Шышкова стала дызайнеркай5

«Аказваецца, і на тым баку ёсць людзі». Маці Івана Падрэза ўсё ж не высяляюць6

Па Мсціслаўскім раёне пранёсся моцны ўраган

У Беларусі ўжо +37,5°С. У сервісе дастаўкі прадуктаў знікла папулярная мінеральная вада1

51 нобелеўскі лаўрэат заклікаў неадкладна спыніць вайну ва Украіне і канфлікт у сектары Газа13

больш чытаных навін
больш лайканых навін

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Галоўнае
Усе навіны →