У Салігорску мужчыну прысудзілі да года папраўчых прац за забойства галубоў
У Салігорску мужчыну прысудзілі да года папраўчых прац за забойства галубоў, паведамляе суд.
Інцыдэнт адбыўся 1 верасня ў шматпавярховым доме ў Салігорску. П'яны 20-гадовы мужчына адлавіў сем шызых галубоў, забіў і скінуў з балкона на пешаходную дарожку.
Абвінавачанага прызналі вінаватым у жорсткім абыходжанні з жывёламі, што пацягнула іх гібель, учыненым з хуліганскіх памкненняў. Яму прызначана пакаранне ў выглядзе папраўчых прац на тэрмін адзін год з канфіскацыяй часткі заробку ў даход дзяржавы. Таксама пастаноўлена спагнаць з яго 99,73 рубля працэсуальных выдаткаў.
![](http://d3kcf2pe5t7rrb.cloudfront.net/img/w732d4webp1/photos/z_2019_11/pigeon-4051366_960_720-pdsmk.jpg.webp)
Каментары