Як паведамляе агенцтва Reuters, па дадзеных ЦВК кіраўнік Венесуэлы Нікалас Мадура па выніках прэзідэнцкіх выбараў заручыўся падтрымкай 68% тых, хто прагаласаваў. Ён значна апярэдзіў бліжэйшага канкурэнта — экс-губернатара штата Лара Энры Фальконе, за якога прагаласавалі ўтрая менш выбаршчыкаў.
Пры гэтым ЦВК пацвердзіў нізкую яўку. На выбарчыя ўчасткі прыйшлі крыху больш за 46% грамадзян. Для параўнання ў 2013 годзе прагаласавалі 80% выбаршчыкаў.
Навіна аб пераабранні Мадура выклікала радасць у яго прыхільнікаў у Каракасе, дзе сотні людзей з феерверкамі зладзілі танцы ля прэзідэнцкага палаца.
Апазіцыя, частка якой байкатавала выбары, заявіла аб тым, што галасаванне праходзіла з масавымі парушэннямі. Праціўнікі Мадура абвінавацілі яго ў прыватнасці ў запалохваньні людзей. Выбаршчыкаў у бедных кварталах папярэджвалі, што ў выпадку нізкай яўкі іх могуць пазбавіць дапамогі.
Між тым цэлы шэраг краін заявілі, што не будуць прызнаваць вынікі выбараў. Сярод іх ЗША, Аргенціна, Чылі.
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»17
Каментары