Топ-100 самых уплывовых людзей Беларусі

Часопіс Forbes штогод складае спіс самых уплывовых асобаў свету. Гэта некалькі дзясяткаў людзей, ад якіх залежыць хада сусветнай гісторыі.

«Уплывовасць» — вельмі няпэўная катэгорыя, таму эксперты абапіраюцца на чатыры асноўныя крытэрыі. Гэта колькасць людзей пад кіраваннем асобы, рэсурсы, у тым ліку фінансавыя, якія яна можа размяркоўваць, колькасць сфераў грамадскага жыцця, на якія мае ўплыў, а таксама актыўнасць, з якой намінант карыстаецца сваёй уладай.

Свае «хітпарады» ўплывовасці маюць многія дзяржавы, у тым ліку і суседнія Украіна з Літвой. Гэта традыцыя, якая дазваляе адсачыць змены ў жыцці краіны. Цікавасць яны ўяўляюць і для саміх фігурантаў рэйтынгу.

«Наша Ніва» паспрабавала скласці такі рэйтынг для Беларусі. Для гэтага мы запрасілі дзясятак экспертаў з розных сфераў і пляцовак.

Наш спіс самых уплывовых беларусаў адлюстроўвае грамадскае жыццё краіны на пачатак 2013 года. Складаць мы яго пачалі ў студзені.

Ва ўмовах аўтарытарнай мадэлі дзяржавы прабіцца на першыя пазіцыі чалавеку, не звязанаму з уладамі, неймаверна складана. Не здзіўляйцеся, што ў лідарах рэйтынгу спрэс сілавікі і чыноўнікі, а таксама набліжаныя да іх бізнэсоўцы.

Складанне такога спіса ва ўмовах аўтарытарнага рэжыму мае сваю спецыфіку.

Груба кажучы, калі падзяліць уладу і ўплыў людзей у Амерыцы, то Абама будзе мець 2%, віцэ-прэзідэнт Байдэн — 0,5%, а астатнія грамадзяне — 97,5%. У Беларусі ж адзін чалавек мае 60%, амаль неабмежаваную ўладу, ён можа прымаць і ажыццяўляць амаль любыя рашэнні, а вага ўсіх астатніх разам узятых — нашмат меншая.

У той жа час пазіцыі многіх чыноўнікаў і бізнэсоўцаў у версе спіса не надта трывалыя. Часцяком гэта ацэнка месца, на якім сядзіць чалавек, а не ягонай асобы.

Абсалютны кожны эксперт, якога мы апытвалі, назваў Аляксандра Лукашэнку ў сваім рэйтынгу першым.

У цэлым мы палічылі, што складанне такога рэйтынгу мае сэнс. Усё ж фармаванне маладога палітычнага класа, як і бізнэс-класа, — гэта вельмі важны для станаўлення нацыі працэс, і адсочваць яго важна, нават калі ў фокус увагі пры гэтым могуць трапляць і людзі выпадковыя ці незаслужаныя.

Топ-100 уплывовых людзей Беларусі

1. Аляксандр Лукашэнка — кіраўнік краіны.

2. Віктар Лукашэнка — памочнік прэзідэнта па пытаннях бяспекі.

3. Міхаіл Мясніковіч — прэм’ер-міністр.

4. Валерый Вакульчык — старшыня КДБ.

5. Андрэй Кабякоў — кіраўнік Адміністрацыі прэзідэнта.

6. Уладзімір Макей — міністр замежных справаў.

7. Юрый Чыж — бізнэсовец, уласнік кампаніі «Трайпл».

8. Андрэй Уцюрын — кіраўнік службы аховы прэзідэнта.

9. Уладзімір Сямашка — першы віцэ-прэм’ер.

10. Віктар Шэйман — кіраўнік Кіраўніцтва справаў прэзідэнта.

11. Барыс Батура — старшыня Мінскага аблвыканкама.

12. Аляксандр Якабсон — старшыня камітэта дзяржкантроля.

13. Ігар Шуневіч — міністр унутраных справаў.

14. Уладзімір Пефціеў — бізнэсовец, былы ўласнік «Белтэхэкспарту».

15. Пятро Пракаповіч віцэ-прэм’ер.

16. Надзея Ермакова — cтаршыня Нацбанка.

17. Юрый Жадобін — міністр абароны.

18. Сяргей Шпягун — кіраўнік Аператыўна-аналітычнага цэнтра.

19. Аляксандр Шакуцін — бізнэсовец, старшыня рады праўлення «Амкадора».

20. Наталля Пяткевіч — памочніца прэзідэнта.

21. Мікалай Ладуцька — старшыня Мінгарвыканкама.

22. Павел Якубовіч — галоўны рэдактар газеты «Сб. Беларусь сёння».

23. Леанід Мальцаў — дзяржаўны сакратар Рады бяспекі.

24. Лідзія Ярмошына — старшыня Цэнтрвыбаркама.

25. Ірына Абельская галоўная доктарка Лечкамісіі.

26. Дзмітрый Лукашэнка — старшыня Прэзідэнцкага спартыўнага клуба.

27. Міхаіл Захараў — былы галоўны трэнер хакейнага «Юнацтва».

28. Сямён Шапіра — старшыня Гродзенскага аблвыканкама.

29. Канстанцін Сумар — старшыня Брэсцкага аблвыканкама.

30. Аляксандр Косінец — старшыня Віцебскага аблвыканкама.

31. Сяргей Касцючэнка старшыня праўлення «Прыёрбанка».

32. Анатоль Тозік — віцэ-прэм’ер.

33. Аляксандр Канюк — генеральны пракурор.

34. Уладзімір Дворнік — старшыня Гомельскага аблвыканкама.

35. Аляксандр Шпілеўскі — старшыня Мытнага камітэта.

36. Рыгор Кісель — гендырэктар АНТ.

37. Мікалай Снапкоў — міністр эканомікі.

38. Уладзімір Канаплёў — старшыня Федэрацыі гандбола.

39. Пятро Руднік — старшыня Магілёўскага аблвыканкама.

40. Сяргей Міхалок — спявак, лідар гурту «Ляпіс Трубяцкой».

41. Аляксандр Базанаў — дырэктар Інфармацыйна-аналітычнага цэнтра пры Адміністрацыі прэзідэнта.

42. Анатоль Тарнаўскі — генеральны прадстаўнік «Юнівест» па краінах СНД.

43. Мікалай Лукашэнка — малодшы сын кіраўніка краіны.

44. Сяргей Сідорскі — былы прэм’ер-міністр.

45. Анатоль Капскі — генеральны дырэктар «БАТЭ», кіраўнік футбольнага клуба БАТЭ

46. Аляксандр Радзькоў — першы намеснік кіраўніка Адміністрацыі прэзідэнта, лідар «Белай Русі»

47. Максім Рыжанкоў — памочнік прэзідэнта ў пытаннях спорту.

48. Усевалад Янчэўскі— памочнік прэзідэнта па ідэалогіі.

49. Ігар Рачкоўскі — першы віцэ-прэзідэнт Нацыянальнага алімпійскага камітэта.

50. Філарэт — праваслаўны Мітрапаліт Мінскі і Слуцкі, экзарх усяе Беларусі.

51. Уладзімір Андрэйчанка — спікер палаты прадстаўнікоў

52. Анатоль Калінін — віцэ-прэм’ер

53. Андрэй Харкавец — міністр фінансаў

54. Сяргей Гурулёў — старшыня вайскова-прамысловага камітэта

55. Аляксандр Боечка — старшыня памежнага камітэта

56. Аляксандр Машэнскі — уласнік «Санта-Брэмар» і «Савушкавага прадукту»

57. Тадэвуш Кандрусевіч — каталіцкі Мітрапаліт Мінска-Магілёўскі, арцыбіскуп

58. Мікола Статкевіч — палітвязень, экс-кандыдат у прэзідэнты

59. Сяргей Румас — старшыня праўлення Банка развіцця Беларусі, старшыня Федэрацыі футбола

60. Алесь Бяляцкі — палітвязень, праваабаронца, кандыдат на Нобелеўскую прэмію

61. Павел Севярынец — палітвязень, сустаршыня Хрысціянскай дэмакратыі

62. Алег Праляскоўскі — міністр інфармацыі

63. Юры Зісер — уласнік партала tut.by

64. Святлана Калінкіна — шэф-рэдактарка газеты «Народная воля»

65. Зянон Пазняк — лідар Кансерватыўна-хрысціянскай партыі БНФ, палітэмігрант

66. Андрэй Тур — намеснік кіраўніка Адміністрацыі прэзідэнта

67. Віталь Арбузаў — уласнік кампаніі Fenox Automative Gmbh

68. Віктар Зураеў — кіраўнік «Алмаза»

69. Аляксандр Мілінкевіч — лідар руху «За свабоду»

70. Жанна Літвіна - cтаршыня Беларускай асацыяцыі журналістаў

71. Юрый Караеў — намеснік міністра ўнутраных справаў

72. Віктар Камянкоў — старшыня Вышэйшага гаспадарчага суда

73. Валянцін Сукала — старшыня Вярхоўнага суда

74. Вікторыя Азаранка — тэнісістка

75. Павел Латушка — пасол Беларусі ў Францыі

76. Хасалбек Атабекаў - кіраўнік вайсковай часткі 3214

77. Алег Хусаенаў — уласнік кампаніі «Зубр Капітал»

78. Валерый Іваноў — генеральны дырэктар «Беларускай калійнай кампаніі»

79. Сяргей Маскевіч — міністр адукацыі

80. Яўген Шыгалаў — дырэктар рынка «Ждановічы»

81. Іосіф Сярэдзіч - галоўны рэдактар газеты «Народная воля»

82. Валерый Цапкала — дырэктар Беларускага парка высокіх тэхналогій

83. Аркадзь Добкін — старшыня рады дырэктараў EPAM Systems

84. Лявон Вольскі — спявак

85. Фёдар Поўны — праваслаўны протаіерэй

86. Валянцін Шаеў — старшыня Следчага камітэта

87. Наталля Радзіна — галоўная рэдактарка сайта «Хартыя-97»

88. Віталь Шураўка — уласнік партала Onliner.by

89. Уладзімір Някляеў — паэт, палітык, лідар кампаніі «Гавары праўду»

90. Сяргей Пісарык — старшыня праўлення «Беларусбанка»

91. Сяргей Абламейка — рэктар Беларускага дзяржаўнага ўніверсітэта

92. Уладзімір Шымаў — рэктар Беларускага дзяржаўнага эканамічнага ўніверсітэта

93. Павел Тапузідзіс — уласнік «Тытунь-Інвест» і «Кароны»

94. Сяргей Цяцерын — трэнер Аляксандра Лукашэнкі па тэнісе

95. Аляксандр Азярэц — міністр энергетыкі

96. Анатоль Лябедзька - cтаршыня Аб’яднанай грамадзянскай партыі

97. Уладзімір Арлоў — пісьменнік

98. Сяргей Мусіенка — сацыёлаг, кіраўнік цэнтра ECOOM

99. Аляксей Ваганаў — уласнік кампаніі «Лада Гарант»

100. Васіль Жарко — міністр аховы здароўя.

Прадстаўнікоў незалежнага грамадства ў другой паўсотні значна больш, чым у першай, дзе ёсць толькі музыка Сяргей Міхалок.

З апазіцыйных дзеячаў найвышэйшыя пазіцыі занялі Мікола Статкевіч (58-е месца), Алесь Бяляцкі (60-е), Павел Севярынец (61-е). Менавіта ад іх лёсу залежаць далейшыя адносіны з краінамі Захаду. Алесь Бяляцкі летась быў адным з прэтэндэнтаў на Нобелеўскую прэмію.

Недалёка ад іх Зянон Пазняк (65-е) і Аляксандр Мілінкевіч (69-е). Крыху далей Уладзімір Някляеў (89-е). У былых кандыдатаў у прэзідэнты застаецца добрая пазнавальнасць.

Нізкія месцы сілавікоў Аляксандра Боечкі (55-е) і Валянціна Шаева (86-е) можна патлумачыць тым, што на сваіх пасадах яны яшчэ зусім нядаўна.

Вялікае прадстаўніцтва ў другой палове людзей з медыясферы.

З духоўных асобаў у спіс, акрамя Філарэта, трапіў таксама каталіцкі арцыбіскуп Тадэвуш Кандрусевіч, які публічна карыстаецца паўсюль беларускай мовай.

Побач размясціліся суддзі Віктар Камянкоў і Валянцін Сукала. 72-е і 73-е месца адпаведна. Гэта можа сведчыць пра залежнасць судовай сістэмы ад выканаўчай улады.

У сотню ўплывовых трапіла толькі адна дзейсная спартсменка — гэта тэнісістка Вікторыя Азаранка (74-е),

Лявон Вольскі прадстаўляе музыку (84-е), а Уладзімір Арлоў (97-е) — прыгожае пісьменства. Ёсць у спісе праўладны аналітык Сяргей Мусіенка, які часта агучвае новыя ідэі істэблішмэнту (98-е).

Бізнэс у другой палове рэйтынгу таксама прысутнічае. Гэта ўласнік «Савушкавага прадукта» ды «Санта-Брэмар», ганаровы консул Ісландыі ў Беларусі Аляксандр Машэнскі (56-е) і Аркадзь Добкін (83-е), які стварыў канкурэнтназдольную на Захадзе праграмісцкую кампанію EPAM Systems, і іх «калегі»-мільянеры.

З рэктараў у спіс змаглі трапіць толькі Сяргей Абламейка з БДУ (91-е) і Уладзімір Шымаў з БДЭУ (92-е).

* * *

Рэйтынг дапамагалі складаць:

Максім Беразінскі, уладальнік партала goals.by

Віталь Валянюк, галоўны рэдактар агенцтва «Бізнэс-навіны», былы палітычны аглядальнік «Советской Белоруссіі»

Алесь Герасіменка, аглядальнік «Эканамічнай газеты»

Адам Глобус, пісьменнік, выдавец

Ігар Губарэвіч, прадпрымальнік, былы супрацоўнік Міністэрства замежных справаў

Юрый Дракахруст, палітычны аглядальнік «Радыё Свабода»

Аляксандр Зімоўскі, былы старшыня Белтэлерадыёкампаніі

Святлана Калінкіна, шэф-рэдактарка «Народнай волі»

Уладзімір Мацкевіч, метадолаг

Аляксандр Чубрык, дырэктар Даследчага цэнтру ІПМ

• 0
• 0
• 0
• 0
• 1
• 0