I paprasiŭ zapisać jaho ŭ apazicyjaniery.
«Možacie mianie zapisać u apazicyjaniery, ale ja ŭnutrana nie zhodny z zaprašeńniem misii naziralnikaŭ ad ABSIE», — zajaviŭ sakratar Centrvybarkama Biełarusi Mikałaj Łazavik na
Jon zajaviŭ, što «źniavieryŭsia ŭ abjektyŭnaści zaklučeńniaŭ misii ABSIE».«Prezidenckija vybary 2010 hoda byli vysoka acenienyja praktyčna ŭsimi naziralnikami. U papiaredniaj spravazdačy BDIPČ ABSIE navat było napisana, što praces hałasavańnia prachodzić dobra. Ale zatym usie stanoŭčyja momanty byli vykinutyja, a pakinuty tolki niehatyŭ. Jeŭračynoŭniki sfalsifikavali vyniki nazirańnia, zamianiŭšy ich palityzavanymi acenkami. Jany aceńvali nie vyniki vybaraŭ, a dali palityčnuju acenku mierapryjemstvu «Płošča», — zajaviŭ Łazavik.
U toj ža čas jon padkreśliŭ, što budzie vykonvać svaju rabotu pa zabieśpiačeńni zručnaj pracy naziralnikaŭ, u tym liku ad ABSIE. «Niedachopu ŭ misijach nie budzie», — zapeŭniŭ sakratar CVK.
Jak paviedamlałasia, zaprašeńni dla ŭdziełu ŭ nazirańni za parłamienckimi vybarami ŭ adras Biuro pa demakratyčnych instytutach i pravach čałavieka (BDIPČ) ABSIE i Vykankama SND MZS Biełarusi nakiravała 6 lipienia.
- 19 červienia na pasiadžeńni CVK staršynia kamisii Lidzija Jarmošyna papraknuła ABSIE ŭ tym, što vynikovyja spravazdačy pa nazirańni za vybarami «pišucca nie samimi naziralnikami, a čynoŭnikami, jakija ažyćciaŭlajuć hetyja funkcyi ŭ kabinietach». Łazavik sa svajho boku dadaŭ: «Mnie ščyra škada dobrasumlennych naziralnikaŭ, jakija davali stanoŭčuju acenku vybaram u Biełarusi, adnak ich mierkavańnie było praihnaravanaje kiraŭnictvam ABSIE».
- Kamientujučy hetyja zajavy, pradstaŭnik Biuro pa demakratyčnych instytutach i pravach čałavieka ABSIE Tomas Rajmier 22 červienia zajaviŭ: «Dla acenki vybarčych pracesaŭ u Biełarusi i inšych krainach ABSIE vykarystoŭvaje adnolkavuju mietadałohiju. BDIPČ ABSIE vałodaje mandatam na nazirańnie za vybarčymi pracesami i ich acenku ŭ krainach ABSIE ŭ adpaviednaści z abaviazacielstvami ABSIE i inšymi mižnarodnymi standartami demakratyčnych vybaraŭ».
- «ABSIE zasnoŭvaje svaje acenki tolki na niepasrednych nazirańniach svaich naziralnikaŭ, — skazaŭ Rajmier. — U adpaviednaści z abaviazacielstvam pa zabieśpiačeńni prazrystaści raboty ABSIE pradstaŭlaje svaje acenki i vysnovy ŭ publičnych spravazdačach: vynikovych spravazdačach, zajavach ab papiarednich adkryćciach i vysnovach, a taksama pramiežkavych spravazdačach. Usie jany dastupnyja na sajcie ABSIE».
- Parłamienckija vybary ŭ Biełarusi projduć 23 vieraśnia.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary