Aktyvist niezarehistravanaj partyi «Biełaruskaja chryścijanskaja demakratyja» Jaŭhien Vaśkovič znachodzicca ŭ mahiloŭskaj papraŭčaj kałonii «Turma № 4». Pra heta paviedamiła jaho maci Rušańnia Ivanaŭna, jakaja atrymała z administracyi turmy list z takim paviedamleńniem.
Na terytoryi turmy № 4 znachodzicca hetak zvanaja «krytka». U joj utrymlivajucca asudžanyja, jakija ździejśnili ŭ kałonii niejkija złačynstvy abo abvinavačanyja ŭ dezarhanizacyi režymu ŭ kałonijach.
Raniej Jaŭhien Vaśkovič adbyvaŭ pakarańnie ŭ Mahiloŭskaj papraŭčaj kałonii № 15. Tam jaho nie raz źmiaščali ŭ štrafny izalatar za parušeńnie režymu. Jon admaŭlaŭsia vykonvać zahady administracyi turmy.
Jaŭhiena Vaśkoviča i dvuch prychilnikaŭ idejaŭ anarchizmu Arcioma Prakapienku i Paŭła Syramałotava asudzili na siem hadoŭ pazbaŭleńnia voli za napad na budynak babrujskaha KDB u kastryčniku 2010 hoda. U noč z 16 na 17 kastryčnika 2010 hoda chłopcy kinuli ŭ budynak KDB dźvie butelki z «kaktejlem Mołatava».
Vaśkovič pryznaŭ fakt napadu, ale nie pakajaŭsia. Prakapienka i Syramałotaŭ vinu pryznali i raskajalisia. Babrujski sud pryznaŭ ich vinavatymi ŭ złosnym chulihanstvie i ŭ naŭmysnym naniasieńni škody ŭ asabliva bujnych pamierach.
Kamientary