A vy viedajecie, što ŭ Minsku taksama prajšli Alimpijskija hulni? I navat zapalili alimpijski ahoń
Asnoŭnyja spabornictvy, biezumoŭna, prajšli ŭ 1980-m u Maskvie, ale niekatorym haradam SSSR taksama pašancavała. U Talinie adbyłasia vietrazievaja rehata, a ŭ Kijevie, Leninhradzie i Minsku zhulali niekatoryja futbolnyja matčy.
![](http://d3kcf2pe5t7rrb.cloudfront.net/img/w840d4webp1/photos/z_2024_07/ol1_240727-ybq3p.jpg.webp)
Da Alimpijady rychtavalisia doŭha. Abnavili haścinicy, pabudavali haścinicu «Płanieta», zrabili trasu M1 — tak zvanuju «alimpijku».
Na stadyjonie «Dynama», jaki staŭ centralnym abjektam Alimpijady-80 u stalicy Biełarusi, pastavili hihanckija mačty aśviatleńnia (u 2019-m ich zamianili novymi), zrabili tabło i nadbudavali druhi jarus trybun, davioŭšy kolkaść miescaŭ da 50 tysiač.
U Minsk alimpijski ahoń pryviezła čatyrochrazovaja alimpijskaja čempijonka (1972, 1976) Volha Korbut. Na Centralnaj płoščy (ciapier płošča Niezaležnaści) prajšoŭ uračysty mitynh, piša «Sputnik».
![](http://d3kcf2pe5t7rrb.cloudfront.net/img/w732d4webp1/photos/z_2024_07/ol2_240727-w1878.jpg.webp)
Na stadyjonie ahoń zapalvaŭ viadomy biełaruski barec Alaksandr Miadźviedź.
Isnuje bajka, što Miadźviedź paśla zapalvańnia vialikaha fakiełu apuściŭ svaju maleńkuju pachodniu ŭ śpiecyjalna pastaŭlenaje na hety vypadak viadro, i ahoń prapaliŭ jaho naskroź litaralna da bietonu trybun.
U Minsku hulali zbornyja Ałžyra, Iraka, Ispanii, Kosta-Ryki, Siryi, Finlandyi i Juhasłavii. Darečy, kupić kvitki na futbolnyja matčy ŭ kasach było praktyčna niemahčyma.
![](http://d3kcf2pe5t7rrb.cloudfront.net/img/w732d4webp1/photos/z_2024_07/ol3_240727-icxzx.jpg.webp)
U nas prajšli matčy Ałžyr — Siryja (3:0), Ispanija — Siryja (0:0), Ispanija — Ałžyr (1:1), a taksama matčy zbornaj Juhasłavii ź Finlandyjaj (2:0), Kosta-Rykaj (3:2) i Iraka (1:1).
Taksama ŭ Minsku prajšoŭ čverćfinał Juhasłavija — Ałžyr (3:0).
Potym asnoŭnyja padziei pieranieślisia ŭ Maskvu.
Nahadajem, što častka krain bajkatavała tuju Alimpijadu, adnak niekatoryja krainy pasłali svaje delehacyi pad alimpijskim ściaham.
Kamientary