Siaredniaja hłabalnaja tempieratura ŭ hety dzień dasiahnuła 17,15°C, tam-siam było +45°C.
Paniadziełak, 22 lipienia, staŭ samym haračym dniom za ŭsiu historyju nazirańniaŭ, abo z 1940 hoda. Heta vynikaje z papiarednich danych Jeŭrapiejskaha klimatyčnaha centra Copernicus, piša Rasijskaja słužba Radyjo Svaboda.
Siaredniaja hłabalnaja tempieratura ŭ hety dzień dasiahnuła 17,15°C.
Papiaredni rekord byŭ pastaŭleny ŭsiaho dniom raniej. Copernicus paviedamlaŭ, što ŭ niadzielu, 21 lipienia, siaredniaja tempieratura ŭ śviecie skłała 17,09°C — u svaju čarhu pabiŭšy letašni rekord.
«Mahčyma, minuły paniadziełak ustanaviŭ rekord samaj vysokaj absalutnaj siaredniesuśvietnaj tempieratury — ja maju na ŭvazie za dziasiatki tysiač hadoŭ», — miarkuje klimatołah Karsten Chaŭštajn ź Lejpcyhskaha ŭniviersiteta.
️New global temperature record.#CopernicusClimate preliminary data show the daily global average temperature reached 17.09°C (21 July 24), very marginally above the previous record of 17.08°C (6 July 23).
Find out more https://t.co/zl69Lxecui pic.twitter.com/QZrvWB3oxb
Jon adznačyŭ, što, kali letašnija rekordy byli ŭstanoŭlenyja pad upłyvam El-Nińjo — pavyšeńnia tempieratury ekvataryjalnych vod Cichaha akijana, to ciapierašnija maksimumy adlustroŭvajuć čysta antrapahiennaje źmianieńnie klimatu.
U apošnija dni rekordnaja śpioka fiksujecca ŭ haradach Japonii, Indaniezii i Kitaja. Anamalnyja tempieratury adznačajucca ŭ Antarktydzie, niekalkich rajonach Afryki, u ZŠA i Kanadzie.
U krainach Piersidskaha zaliva ciepłavy indeks, jaki ŭličvaje vilhotnaść, pieravyšaje 60°C.
U niekatorych častkach Jeŭropy tempieratura pavietra padymałasia da 45°C.
Prahnoz nadvorja ŭ Finiksie (Aryzona) na nastupnyja dni. +34°C — heta tempieratura ŭ dadzieny momant: to-bok a 4-j ranicy ŭ Finiksie.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ27
Kamientary