Pa ŭdakładnienych źviestkach MNS, usiaho achviarami ŭrahanu, jaki praniośsia nad Biełaruśsiu 13-14 lipienia, stali nie šeść, jak paviedamlałasia raniej, a siem čałaviek.
Akramia taho, da hetaha času ŭ balnicach zastajecca 13 paciarpiełych, troje ź ich — u ciažkim stanie, raskazaŭ u pres-centry «Sputnik Biełaruś» načalnik Hałoŭnaha ŭpraŭleńnia dziaržaŭnaj sistemy papiaredžańnia i likvidacyi NS i hramadzianskaj abarony Ihar Chadanovič.
«Pavodle ŭdakładnienych źviestak, ad elemientaŭ dachu, pavalenych dreŭ zahinuli siem čałaviek, traŭmavana 75», — raskazaŭ Chadanovič.
U tyja dni było, pavodle jaho słoŭ, adznačana bolš za 13 tys. vypadkaŭ padzieńnia dreŭ. 338 nasielenych punktaŭ apynulisia biez vodazabieśpiačeńnia, u 17 rajonach adbylisia adklučeńni sotavaj i telefonnaj suviazi. Byli paškodžanyja dachi ŭ 6200 žyłych damoŭ, ź ich 3883 adnoŭlenyja.
Raniej paviedamlałasia, što achviarami niepahadzi 13-14 lipienia ŭ roznych rehijonach Biełarusi stali šeść čałaviek.
Paciarpiełym ad urahanu na Homielščynie mohuć dać rasterminoŭki na ramont
Bolš za sotniu viosak Homielščyny ŭsio jašče čakajuć adnaŭleńnia elektrazabieśpiačeńnia
Kruty: Boh pasłaŭ urahan, kab prezident paradavaŭsia, što stvoranaja im sistema vystajała
Paśla ŭrahanu biełarusy padali bolš za 10 tysiač zajavak u Biełdziaržstrach
Łukašenka zahadaŭ adpraŭlać na likvidacyju nastupstvaŭ urahanu palitźniavolenych
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?10
Kamientary