Biełaruskija hieołahi prystupili da bureńnia paramietryčnaj śvidraviny kala ahraharadka Chodcy Sieńnienskaha rajona, paviedamlajuć «Viciebskija vieści». Jaje płanujuć zaviaršyć u 2025 hodzie.
«Śvidravina «Aršanskaja 101» hłybinioj 1350 m budzie pieršaj śvidravinaj, jakaja prarvie kryštaličny fundamient u miežach terytoryi, jakaja vyvučajecca, i dazvolić bolš poŭna i dakładna raskryć jaje pierśpiektyvy», — piša vydańnie.
U krasaviku hetaha hoda, pryznačajučy novaha ministra pryrodnych resursaŭ i achovy navakolnaha asiarodździa Siarhieja Maślaka, Łukašenka znoŭ uspomniŭ pra svaju šmathadovuju maru — kab kraina, nad jakoj jon uładaryć, mieła vialikija zapasy pryrodnych resursaŭ. «Ja nie vieru, što ŭ nas niama vialikich abjomaŭ nafty», — zajaviŭ jon.
«Skažu prama: treba kapać i šukać, — cytavała Łukašenku jahonaja pres-słužba. — Akramia hetaha, treba, kab ty prymusiŭ usich u hetym kirunku pracavać. Ja nie vieru, što ŭ našych nietrach niama taho, što nam treba».
Kamientary