Jak vyśvietliŭ telekanał Shot, hałoŭny hipnatyzior poźniaha SSSR pakinuŭ u minułym zaradžanuju vadu, ale zachapiŭ z saboj z 90-ch čaroŭnuju sol.
Hałoŭny hipnatyzior pierabudovy, jaki śćviardžaje, što ŭ svoj čas vylečyŭ kala 10 miljonaŭ čałaviek za šeść hadzin televizijnaha efiru, pačaŭ znoŭ aktyŭna rekłamavać svaje pasłuhi i prapanoŭvać vyratavańnie ad usich bied.
Pry hetym lačeńnie ad sivizny, raku, biaspłodnaści i zamova na pachudańnie prachodziać amal adnolkava: razmovy, a potym — na padłohu, u natoŭp prykładna z 20 čałaviek.
Adroźnivajucca tolki frazački: kab schudnieć, Kašpiroŭski «padmacoŭvaje niabačnyja klučy i ŭkručvaje hajki», a kab narmalizavać bićcio serca, «dapamahaje nabrać niabačnuju vyšyniu».
Na adnu ź pieršych sustreč u Maskvie pryjšło kala 300 čałaviek.
Admietnaja pracedura adnaŭleńnia zroku: tut daviadziecca chvilin piać z zapluščanymi vačyma pasłuchać pieśni Alaksandra Malinina. Kali vy nie viedali, «Noč śvietła» dapamahaje ad blizarukaści, dalnazorkaści i katarakty. Ale, kab vylečycca kančatkova, treba prajści čatyry sieansy zapar.
Adna takaja sustreča kaštuje ad 3500 da 9000 rubloŭ. Kali ž chto choča poŭnaj uvahi maestra, to za indyvidualny pryjom daviadziecca zapłacić 25 000 rubloŭ.
Siarod haściej/pacyjentaŭ — pieravažna ludzi 40+ z roznych rehijonaŭ Rasii i byłoha SSSR. Jany ščyra vierać hipnatyzioru, a bilety vykuplajuć zahadzia.
Zarablaje 85-hadovy Anatol Kašpiroŭski i pry dapamozie svajho mierča: pradaje čaroŭnuju sol, dyski ź sieansami, knižki z afaryzmami, svaje fotazdymki i navat fłeški z ułasnymi pieśniami.
Pałterhiejst u Barysavie. Mistyčnyja padziei, jakim dahetul niama fizičnaha tłumačeńnia
U abjavie było napisana «ad 6 rubloŭ», a chłopiec addaŭ za pieraŭstanoŭku Windows 345 rubloŭ
«Zahipnatyzavanyja» ChatGPT i Bard mohuć pierakonvać karystalnikaŭ płacić ašukancam i prajazdžać na čyrvonaje śviatło
Navukoŭcy ŭździejańniem elektratoku zrabili ludziej bolš padatnymi na hipnoz
Vaskrasienski: Treba, kab Sikorski pryvioz padarunak Łukašenku. A Bialacki i 20 zavadataraŭ vyjduć apošnimi41
Kamientary
Što rabić ? Nie chapaje špitalaŭ , daktaroŭ , medyčnych siaścior , lekaŭ ...
Niama ničoha . Daža ježy nie chapaje . I tut źjaŭlajecca hety
" čaraŭnik " , i kaža : " vašu Biadu , ja rukami raźviadu " . I ŭsie straciŭšyja nadzieju paciahnulisia za jahonaj iłžoj .
Zaraz historyja paŭtaryvajecca (