«Hazpram» pabuduje pad Minskam zavod pa vytvorčaści zvadkavanaha hazu
Kompleks zvadkavańnia pryrodnaha hazu budzie pabudavany ŭ Minskaj vobłaści za siem miesiacaŭ, paviedamiła hiendyrektar kampanii «Hazpram hielij servis» Luboŭ Bryš na pasiadžeńni niekalkich kamisij Parłamienckaha schodu Sajuza Biełarusi i Rasii, piša «Sputnik».
Rasijski hazavy hihant užo znajšoŭ placoŭku pad vytvorčaść ZPH u Minskaj vobłaści i maje namier zdać pradpryjemstva ŭ ekspłuatacyju ŭ 2025 hodzie.
Termin zdačy pradpryjemstva ŭ ekspłuatacyju — 2025 hod. Braš adznačyła, što pakul u Biełarusi nie raźvita adpaviednaje zakanadaŭstva, i pabudavać zavod pa vypusku zvadkavanaha pryrodnaha hazu (ZPH) ciapier praktyčna niemahčyma.
Adnak było znojdziena rašeńnie. Placoŭkaj dla pradpryjemstva budzie zona z asablivym pravavym režymam — Kitajska-biełaruski industryjalny park «Vialiki kamień».
Zavod pabudujuć u pryviazcy da anałahičnaha pradpryjemstva ŭ Vałhahradskaj vobłaści.
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY18
Kamientary
Meta budavańnia zavodu pa vyrabu LNG u Vialikim kamni - całkam utapičnaja: heta zabieśpiačeńnie transpartu na trasie M-1 LNG (chtości bačyŭ heta transpart asabista ŭ śviecie pamiańšeńnia hruzapatokaŭ ź Jeŭropy?) i hramadskaha transpartu ŭ Biełarusi (jaho taksama pakul što niama ale nibyta MAZ kaliści pačnie vypusk aŭtobusaŭ na LNG). Tema masavaha ŭžyvańnia pryrodnaha hazu jak transpartnaha paliva była aktualnaj dla Biełarusi prykładna hadoŭ 15 tamu, ale tady pieravažna ŭžyvaŭsia ścisnuty haz (CNG). Hazpram tady paśpiachova zavaliŭ temu pieravodu transpartu na CNG, bo infrastrukturu budavać było doraha, abstalavańnie dla transpartu kaštavała doraha, patrabavańni biaśpieki užyvańnia CNG mocna abmiažoŭvali masavaść i h.d. U CNG była jašče adna mocnaja chiba - heta vielmi mały zapas chodu na adzinku abjemu paliva. Tamu ŭ Jeŭropie tady adrazu ž sprabavali užyvać ciažkaviki i asabliva haradskija aŭtobusy na LNG, ale masavaści taja źjava taksama nie atrymała. Ale z taho času adbyŭsia mocny prahres u halinie raźvićcia lehkavoha i haradskoha elektratranspartu navat u Miensku (u rehijajonach usio horš praź niedachop hrošaŭ), da čaho dadałosia pytańnie utylizacyi nia vielmi tannaj elektryčnaści ź izalavanaj praz sankcyi BiełAES. Tamu zapyt niesvabodnaha biełaruskaha enierhietyčnaha rynku na hazpramaŭski LNG vyklikaje vialikaje pytańnie.