Byłaja aŭstryjskaja ministarka, što tančyła z Pucinym, pierajechała ŭ novy dom pad Razańniu z katami, kurami i kačkami
U vioscy žyvuć pryjemnyja ludzi.
Eks-kiraŭnik MZS Aŭstryi Karyn Knajsl raspaviała RIA Naviny, što pierajechała ŭ svoj novy dom u Razanskaj vobłaści, žyvie tam z katami i kačkami.
«My pabudavali nievialiki draŭlany dom, u jakim ja ščaśliva žyvu sa svaimi katami, sabakami, kurami i kačkami… ja ŭžo pierajechała tudy i žyvu tam. Ja litaralna mieła patrebu ŭ takim domie…», — skazała Knajsl na palach čaćviortaha Jeŭrazijskaha žanočaha forumu.
Jana dadała, što pobač ź jaje vioskaj jość praduktovaja krama i aŭtobusny prypynak. Knajsl adznačyła, što ŭ jaje vioscy žyvuć pryjemnyja ludzi.
U 2023 hodzie Knajsl paviedamlała, što pražyvaje ŭ vioscy Pietrušava Razanskaj vobłaści, žyćcio ŭ ruskaj vioscy joj padabajecca, a miascovyja žychary pryniali jaje dobra.
***
Karyn Knajsl u 2017-2019 hadach była ministarkaj zamiežnych spraŭ Aŭstryi. U 2018 hodzie jana vyjšła zamuž za biznesoŭca Volfhanha Majlinhiera, a na viasielle zaprasiła Uładzimira Pucina. Paśla pakidańnia ministerskaj pasady ŭ svaich intervju Knajsl zajaŭlała, što joj pastupali pahrozy zabojstvam, a taksama skardziłasia na faktyčna ŭviedzienuju dla jaje zabaronu na pracu ŭ ES.
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie53
Kamientary