Kruty: Boh pasłaŭ urahan, kab prezident paradavaŭsia, što stvoranaja im sistema vystajała
Takoje mierkavańnie novaha kiraŭnika łukašenkaŭskaj Administracyi Dźmitryja Krutoha nie vytryvała navat vydańnie «SB. Biełaruś siehodnia» — hetyja słovy prybrali.
![](http://d3kcf2pe5t7rrb.cloudfront.net/img/w840d4webp1/photos/z_2024_07/-3guvy.jpg.webp)
— U piatnicu, 19 lipienia, naš lidar Alaksandr Łukašenka pytaŭsia, za što Haspodź pasłaŭ Biełarusi takoje vyprabavańnie ŭ vyhladzie ŭrahanu. Adkaz vielmi prosty. Mahčyma, heta dla taho, kab prezident paradavaŭsia, što stvoranaja im za 30 hadoŭ sistema vystajała, vytrymała. Niahledziačy na vyjaŭlenyja kropkavyja prablemnyja pytańni, nijakich krytyčnych nastupstvaŭ nie adbyłosia. Našy ludzi taksama vialikija małajcy. Nijakaj paniki, usio spakojna, i tamu śpiecyjalisty robiać svaju pracu. Vydatna, što voś u nas stvorana takaja sistema, možam spravicca ź lubymi vyklikami. Kraina pracuje i raźvivajecca ŭ pravilnym kirunku! — skazaŭ kiraŭnik Administracyi Dźmitryj Kruty padčas vizitu ŭ Mahiloŭskuju vobłaść.
Paźniej słovy pra prezidenckuju radaść z nahody ŭrahanu vydańnie prybrała, ale jany zachavalisia ŭ kešy.
U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki
Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie
Alaksiej Tałaj prapanavaŭ dać Łukašenku zvańnie Hieroja Biełarusi
Łukašenka zahadaŭ adpraŭlać na likvidacyju nastupstvaŭ urahanu palitźniavolenych
Kamientary