Bolš za sotniu viosak Homielščyny ŭsio jašče čakajuć adnaŭleńnia elektrazabieśpiačeńnia
Praz tydzień paśla ŭrahanu ŭładam tak i nie ŭdałosia całkam likvidavać jaho nastupstvy.
![](http://d3kcf2pe5t7rrb.cloudfront.net/img/w840d4webp1/photos/z_2024_07/photo_2024-07-21_16-49-57-ry2ze.jpg.webp)
Niepahadź 13 i 14 lipienia ŭ Biełarusi pryviała da maštabnych paškodžańniaŭ u sistemie elektrapieradačy, parušeńniaŭ vodazabieśpiačeńnia, razbureńniaŭ. Bolš za ŭsio ad urahannaha vietru paciarpieła Homielskaja vobłaść, dzie ŭvodzili režym nadzvyčajnaj situacyi.
Pavodle infarmacyi MNS, u hetyja dni praz stychiju zahinuła šeść čałaviek.
Jak siońnia paviedamiŭ ministr enierhietyki Viktar Karankievič na pasiadžeńni apieratyŭnaha štaba pa likvidacyi nastupstvaŭ niepahadzi ŭ Homielskaj vobłaści, napružanaja situacyja z padačaj enierhazabieśpiačeńnia ŭ asobnyja domaŭładańni zachoŭvajecca ŭ Žłobinskim i Rečyckim rajonach.
Śpiecyjalisty pasprabujuć vyrašyć hetaje pytańnie za siońniašni dzień.
![](http://d3kcf2pe5t7rrb.cloudfront.net/img/w732d4webp1/photos/z_2024_07/photo_2024-07-21_16-50-00-y8amj.jpg.webp)
U pres-słužbie Ministerstva enierhietyki paviedamili, što ciapier nad likvidacyjaj nastupstvaŭ urahannaha vietru tolki ŭ Žłobinskim rajonie pracujuć 32 avaryjnyja bryhady. Heta rajon ličycca najbolš paciarpiełym. 44 nasielenyja punkty rajona (sa 155) siońnia zabiaśpiečvajecca elektryčnaściu tolki dyziel-hienieratarnymi ŭstanoŭkami.
Usiaho ŭ likvidacyi nastupstvaŭ niepahadzi ŭ Homielskaj vobłaści zadziejničana bolš za 140 bryhad i 210 adzinak techniki.
![](http://d3kcf2pe5t7rrb.cloudfront.net/img/w732d4webp1/photos/z_2024_07/photo_2024-07-21_16-50-02-l35ew.jpg.webp)
Ahułam adnaŭlenčyja raboty praciahvajucca ŭ 122 nasielenych punktach Homielskaj vobłaści, u 508 technałahičnyja parušeńni ŭžo likvidavanyja.
«Hetaja praca viadziecca pa zajaŭkach spažyŭcoŭ», — udakładniaje viedamstva. Zadavolena bolš za 2 tys. takich zajavak.
Kamientary