Minabarony zakuplaje drony amal u 30 razoŭ daražej za rynkavy košt
Minabarony Biełarusi płanuje zakupić partyju FPV-dronaŭ. Pa infarmacyi resursa «Biełaruski Hajun», Minabarony płanuje novyja zakupki bieśpiłotnych latalnych aparataŭ dla patreb armii. Da kanca 2024 hoda viedamstvam płanujecca zakupka 16 BŁA Chimera CX10.
![](http://d3kcf2pe5t7rrb.cloudfront.net/img/w840d4webp1/photos/z_2024_07/8-3nkm4.png.webp)
Pavodle adkrytych krynic, Chimera CX10 — heta 10-calevy FPV-dron vialikaj dalokaści kitajskaj kampanii iFlight. Moža raźvivać chutkaść da 140 km/h i nieści karysnuju nahruzku ad 1,5 kh da 2,5 kh. Maksimalnaja vyšynia ŭźlotu — 6000 m.
U aficyjnaj internet-kramie kampanii adzin BŁA Chimera CX10 kaštuje $329,99. Adnak Minabarony płanuje vydatkavać na zakupku kala 460 000 rubloŭ, abo pa $8951 za adzin bieśpiłotnik.
Kanał piša, što raźbiežka ŭ cenach moža być źviazana albo z zakupkaj dadatkovych kamplektujučych dla BŁA (batarej i inšaje), albo z karupcyjaj pry praviadzieńni zakupki.
Možna mierkavać, što BŁA Chimera CX10 buduć vykarystoŭvacca dla padrychtoŭki apierataraŭ FPV-dronaŭ u US RB.
Na sajcie vytvorcy BŁA havorycca, što pradukcyja iFlight moža vykarystoŭvacca tolki ŭ hramadzianskich metach. A luboje pramoje abo ŭskosnaje vykarystańnie BŁA ŭ «lubych vajennych bajavych metach abo vykarystańnie, źviazanaje z vajennymi bajavymi dziejańniami», zabaroniena.
Kamientary