Łukašenka pajechaŭ na Brestčynu. Jamu pakazvajuć «Liniju Chrenina»
Alaksandr Łukašenka siońnia naviedvaje navučalny abjekt Ministerstva abarony «Vuzieł supracivu» ŭ Bresckaj vobłaści.
![](http://d3kcf2pe5t7rrb.cloudfront.net/img/w840d4webp1/photos/z_2023_10/luikaenka231006-nd6dl.jpg.webp)
Jon znajomicca z varyjantam inžyniernaha abstalavańnia vuzła supraciŭleńnia Kobrynskaha ŭmacavanaha rajona i jaho mahčymaściami, piša BiełTA.
Jak prainfarmavaŭ kamandujučy vojskami Zachodniaha apieratyŭnaha kamandavańnia Uładzimir Bieły, vajenna-palityčnaje stanovišča vakoł Biełarusi zastajecca napružanym.
Pavodle jaho słoŭ, padziei va Ukrainie pakazvajuć, što na napramkach, dzie zahadzia abstalavanyja vuzły supracivu, abarona najbolš ustojlivaja i nastupalnyja hrupoŭki vojskaŭ adčuvajuć najbolšyja ciažkaści ŭ pieraadoleńni abarony praciŭnika.
«Adnym z padychodaŭ zabieśpiačeńnia nadziejnaj abarony źjaŭlajecca stvareńnie ŭmacavanych rajonaŭ. Ich asnoŭnaje pryznačeńnie — prykryćcio najbolš važnych u apieratyŭna-taktyčnych adnosinach rajonaŭ i vierahodnych napramkaŭ dziejańniaŭ praciŭnika z metaj adlustravańnia nastupu praŭzychodnych sił praciŭnika i stvareńnia ŭmoŭ dla dziejańniaŭ našych vojskaŭ», — raskazaŭ Bieły.
«Biełaruski Hajun» udakładniaje, što havorka idzie pra aporny punkt kala vioski Saki ŭ Žabinkaŭskim rajonie, tak zvanuju «Liniju Chrenina».
![](http://d3kcf2pe5t7rrb.cloudfront.net/img/w732d4webp1/photos/z_2023_10/hrenin-usz0j.jpg.webp)
Mienavita na bazie hetaha apornaha punkta pabudavali «placoŭku vučebna-materyjalnaj bazy».
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://d3kcf2pe5t7rrb.cloudfront.net/img/w450h300crop1webp1/photos/stock/viachorka3-aajnw.jpg.webp)
Kamientary