Cana byłoj karaleŭskaj rezidencyi ŭ Hrodnie za dva miesiacy ŭpała ŭ dva razy. Nichto nie choča kuplać
Siadzibu apošniaha karala Rečy Paspalitaj Stanisłava Aŭhusta Paniatoŭskaha ŭ Paniamuni pasprabujuć pradać z aŭkcyjonu treci raz za apošnija try miesiacy. Startavaja cana źnižanaja ŭ paraŭnańni ź lipieniem na 50% i ciapier składaje 175 500 rubloŭ. Prykładna stolki kaštuje trochpakajovaja kvatera ŭ spalnym rajonie Hrodna, piša hrodna.life.
U realnaści navat kali pakupnik budzie adzin, jon zapłacić bolš: dadatkovyja 5% ad cany plus padatak na dadadzienuju vartaść.
Budynak pad achovaj dziaržavy i jaho zmohuć kanfiskavać
Budynak na vulicy Prahułačnaj 15/1 źjaŭlajecca historyka-kulturnaj kaštoŭnaściu. Płošča nieruchomaści — 271,2 kv.m. Pakupnik budzie abaviazany padpisać achoŭnyja abaviazalnictvy. A kali jon nie vykanaje ŭmovy aŭkcyjonu, to dziaržava zmoža kanfiskavać majomaść. Aficyjnaje pryznačeńnie budynka — dla raźmiaščeńnia ŭ im kulturna-aśvietnickaj ustanovy.
Pradaje historyka-kulturnuju kaštoŭnaść AAT «Hrodnapramtechnika».
Jak źnižałasia cana na były karaleŭski pałac
Upieršyniu siadzibu vystavili na aŭkcyjon u krasaviku 2023 hoda — tady startavaja suma łota skłała 374 tys. rubloŭ. Nastupnym razam abjekt pasprabavali pradać u lipieni 2024 hoda za 351 tys. rubloŭ. Čarhovy aŭkcyjon mieŭ prajści ŭ žniŭni z panižeńniem cany da 315 tys. rubloŭ. Ale i jon nie pryciahnuŭ patencyjnaha inviestara.
Što heta za siadziba
Siadzibu ŭ Paniamuni pabudavaŭ u 1771 hodzie ŭ styli poźniaha baroka italjanski architektar Džuzepe Saka. Tam raźmiaščałasia zaharadnaja rezidencyja karala Stanisłava Aŭhusta Paniatoŭskaha. U XIX stahodździ naležała Druckim-Lubieckim, paźniej Lachnickim. Paśla 1945 hoda ŭ pamiaškańniach, jakija pradajucca, doŭhi čas znachodziŭsia kłub miascovaj «Sielhastechniki». Tam byli kinazała i biblijateka.
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»5
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary