Kala minskaha vakzała znajšli «Vieła Chacika». Pra što havorka?
U tyktoku raskazali historyju pra toje, jak biełarus źjechaŭ za miažu, a na vakzale jaho dahetul štodzień čakajuć — praŭda, heta raspovied nie pra sabaku.
Błohier doctorhikow źniaŭ videa kala minskaha čyhunačnaha vakzała. Tam na maleńkaj viełaparkoŭcy la ŭvachoda ŭ padziemny pierachod staić viełasipied. Pavodle rolika, haspadar viełasipieda ŭžo daŭno źjechaŭ ź Biełarusi. Jon pryjechaŭ na viełasipiedzie z abłasnoha centra, pakinuŭ jaho na parkinhu i sieŭ u ciahnik, jaki ruchaŭsia ŭ inšuju krainu.
Adbyłosia heta, jak kaža błohier, bolš za dva hady tamu, ale ž viełasipied pa-raniejšamu čakaje svajho haspadara la vakzała. Praz takuju doŭhuju parkoŭku viełasipied pačaŭ truchleć — niekatoryja jaho detali, u tym liku łancuh, pakrylisia iržoj. Błohier źviartaje ŭvahu na toje, što za ŭvieś hety čas nichto nie skraŭ viełasipied, i źviazvaje heta ź mientalitetam biełarusaŭ.
Ciaham dvuch dzion rolik ź minskaha vakzała nabraŭ bolš za 215 tysiač prahladaŭ. Adzin z kamientataraŭ pradkazalna paraŭnaŭ viełasipied z sabakam ź viadomaha filma, jaki taksama čakaŭ svajho haspadara — nazvaŭ jaho «Vieła Chacika».
Šmat karystalnikaŭ padtrymlivajuć dumku błohiera pra toje, što viełasipied nie čapajuć z-za asablivaha mientalitetu biełarusaŭ, ale mnohija z hetym nie zhodnyja:
«Nie idealizujcie nas, kali łaska. Biełarusy taksama ludzi. Usiaho chapaje – i dobraha, i drennaha».
«Nie, kali b [viełasipied] byŭ nie pryviazany, jaho b ź vierahodnaściu 99,9% zabraŭ by chto-niebudź sabie, pryčym u pieršyja niekalki sutak (ja ź Biełarusi)».
«Kaniečnie, vakzał, bahata kamier. Pryvoźcie na Sierabranku, zasiačem, kolki prastaić».
«U nas i telefon nie padnimuć, kab haspadaru addać, sazvanicca i jaho znajści. Prablem budzie šmat, mohuć abvinavacić u kradziažy. Niachaj lažyć i niachaj staić».
«Naša Niva» — bastyjon biełaruščyny
PADTRYMAĆ«Chiejtu ŭ maim žyćci było šmat». Što za dziaŭčyna zdymaje biełaruskich artystaŭ i papularnaje biełaruskaje jutub-šou «O(b)suždajem»
Ničoha śviatoha. Pahladzieli sikveł «Bitłdžusa» i raskazvajem, čaho čakać
«Usio žyćcio rabili heta niapravilna». Biełarusy padzialilisia ŭ tyktoku dziŭnym sposabam pierachodu praz darohu
Kamientary