Stołtenbierh: Ukraincy ŭžo pieraŭzychodzili čakańni, treba im daviarać
Na dumku hienieralnaha sakratara Aljansu, ukraincam treba dapamahać paradami i padtrymkaj, «ale ŭrešcie mienavita ŭkraincy pavinny prymać rašeńni».
Hienieralny sakratar NATO Jens Stołtenbierh, aceńvajučy kontrnastupleńnie Sił abarony, skazaŭ, što ŭkraincy pieraŭzychodziać čakańni, paviedamlaje «Ukrinfarm».
«Ukraincy pastupova zavajoŭvajuć pazicyi, a heta značyć, što jany adciskajuć rasijan, što jany zdolnyja prarvacca praź niekatoryja z hetych dobra ŭmacavanych terytoryj, u pryvatnaści, dziakujučy minnym palam, i tamu zaraz jašče važniej padtrymlivać ich [USU].
«My ŭbačyli, što ŭkraincy znoŭ pierasiahnuli čakańni, i my pavinny pamiatać, što ŭsio pačałosia letaś z poŭnamaštabnaha ŭvarvańnia Rasii va Ukrainu.
Tady ekśpierty ličyli, što Ukraina pratrymajecca ŭsiaho niekalki dzion ci tydniaŭ, ale jany vyzvalili poŭnač, Kijeŭ, uschod, Charkaŭ, terytoryju na poŭdni, Chierson. I ciapier jany dasiahajuć jašče bolšych pośpiechaŭ».
Adkazvajučy na pytańnie ab roznahałośsi ŭ acency taktyki kontrnastupu siarod zachodnich vajskoŭcaŭ, Stołtenbierh adznačyŭ, što «pamiž sajuźnikami NATO viadziecca pastajanny dyjałoh i, viadoma, taksama dyjałoh z Ukrainaj».
Na dumku hienieralnaha sakratara Aljansu, ukraincam treba dapamahać paradami i padtrymkaj, «ale ŭrešcie mienavita ŭkraincy pavinny prymać rašeńni».
Jon adznačyŭ, što pieradavyja sistemy SPA, pieradadzienyja Ukrainie sajuźnikami NATA, dakazali svaju vyklučnuju efiektyŭnaść.
Jak maleńkaja hrupa bajcoŭ zrabiła mahčymym vyzvaleńnie Rabocina. Historyja, vartaja Halivuda
Załužny sustrakaŭsia na polska-ŭkrainskaj miažy z hienierałami NATA i abmiarkoŭvaŭ kontrnastupleńnie — The Guardian
Idzie prasoŭvańnie da druhoj linii abarony, u rasijan niama reziervaŭ — ekśpiert pra pośpiechi USU na Mielitopalskim učastku frontu
«Na niekalkich kirunkach my idziom napierad» — Zialenski pra kontrnastup
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary