Biełaruski Čyrvony Kryž mohuć vyklučyć ź Mižnarodnaj fiederacyi — Łatuška
Adnosna Biełaruskaha tavarystva Čyrvonaha Kryža (BTČK) u najbližejšy čas buduć pryniatyja biesprecedentnyja miery izalacyi. Mahčyma navat prypynieńnie siabroŭstva BTČK u Mižnarodnaj fiederacyi abo jaho poŭnaje vyklučeńnie, paviedamiŭ kiraŭnik Nacyjanalnaha antykryzisnaha ŭpraŭleńnia i namieśnik kiraŭnika Abjadnanaha pierachodnaha kabinieta Pavieł Łatuška.
Łatuška źviartaje ŭvahu, što staronka sajta BTČK, dzie byli paznačanyja mižnarodnyja partniory i donary arhanizacyi, bolš niedastupnaja, choć jašče niadaŭna tam «značylisia takija nacyjanalnyja tavarystvy, jak Niamiecki, Dacki, Šviejcarski i Narviežski Čyrvony Kryž, a taksama Suśvietnaja arhanizacyja achovy zdaroŭja, JUNISIEF, Upraŭleńnie Viarchoŭnaha Kamisara AAN pa biežancach, Prahrama raźvićcia AAN, Jeŭrapiejski sajuz, kampanii Pepsi, H&M, LC Waikiki, Danone i Solbegsoft».
«Heta jość biezumoŭnym nastupstvam mižnarodnaj hańby i cisku, na jaki vyrak BTČK jaje kiraŭnik Dźmitryj Šaŭcoŭ, jaki pryjechaŭ na akupavanyja Rasijaj terytoryi Ukrainy ŭ vajskovaj formie ź litaraj Z na rukavie — simvałam rasijskaj ahresii», — zajaŭlaje Łatuška.
Raniej hienieralny sakratar BTČK Dźmitryj Šaŭcoŭ źjeździŭ u akupavany Rasijaj Maryupal i źjaviŭsia tam u adzieńni ź simvałam akupantaŭ Z. Taksama jon zajaviŭ, što Biełaruski Čyrvony Kryž udzielničaje ŭ vyvazie ŭkrainskich dziaciej u Biełaruś.
Mižnarodnaja fiederacyja tavarystvaŭ Čyrvonaha Kryža paśla hetaha zajaviła, što nie maje dačynieńnia da pajezdak Šaŭcova na Danbas i paprasiła BTČK u dalejšym ustrymacca ad padobnych dziejańniaŭ.
«Čyrvony Kryž u Biełarusi — heta nijaki nie niejtralitet». Byłyja vałanciory arhanizacyi raskazali, jak situacyja ŭ joj vyhladaje znutry
Uznačalvaŭ vybarčyja kamisii, choča lačyć hiejaŭ, ekśpiert pa ŭsich pytańniach. Chto taki Dźmitryj Šaŭcoŭ, jaki kiruje Biełaruskim Čyrvonym Kryžam
Ci mohuć Biełaruski Čyrvony Kryž vyklučyć ź mižnarodnaj arhanizacyi?
Pratasieviču admianili hihancki štraf, i jon palacieŭ na adpačynak u Dubaj31
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2525
Kamientary