Hienieralny sakratar biełaruskaha Čyrvonaha Kryža źjeździŭ u «DNR» i papaziravaŭ tam z Z
Rasijski resurs Sputnik paviedamiŭ pra pajezdku hienieralnaha sakratara Biełaruskaha tavarystva Čyrvonaha Kryža Dźmitryja Šaŭcova na akupavanyja terytoryi Ukrainy, u t. zv. «DNR». Niejtralnaści jon tam nie trymaŭsia.
Pradstaŭnik biełaruskaha Čyrvonaha Kryža havaryŭ ščymlivyja słovy pra dziaciej, jakich vyvozili z akupavanych terytoryj u Biełaruś:
«Kali pryjazdžaješ da ich dadomu, razumieješ, nakolki žudasna toje, što adbyvajecca ciapier. Samaje kryŭdnaje, što praz ambicyi darosłych ludziej hublajecca dziacinstva ŭ našych dzietak. Ja nie padzialaju biełaruskich dzietak, dziaciej ukrainskich i dziaciej Danbasa. Jany ŭsie dzieci».
A voś bok u vajnie jon zatoje zajmaje samy što ni na jość vyrazny: na rukavie ŭ Dźmitryja Šaŭcova krasujecca simvał rasijskaj ahresii — łacinskaja litara Z.
Miž tym u statucie Biełaruskaha tavarystva Čyrvonaha Kryža čornym pa biełym napisana:
«Dla taho, kab karystacca davieram, ruch nie addaje pieravahi ni adnoj z bakoŭ padčas vajennych dziejańniaŭ i nikoli nie ŭmiešvajecca ŭ supiarečnaści palityčnaha, rasavaha, relihijnaha abo ideałahičnaha charaktaru».
Biełaruskaje tavarystva Čyrvonaha Kryža — całkam praŭładnaja arhanizacyja, jakaja biezahavoračna padtrymlivaje režym Łukašenki va ŭsich jaho dziejańniach jak na słovach, tak i na spravie. Siabroŭ hetaj arhanizacyi, naprykład, zaŭsiody ŭklučajuć u skład vybarčych kamisij, i jany aktyŭna ŭdzielničajuć u falsifikacyi vybaraŭ roznaha ŭzroŭniu. Staršynia Homielskaj abłasnoj arhanizacyi Biełaruskaha tavarystva Čyrvonaha Kryža Hanna Smalak niadaŭna publična padtrymała raźmiaščeńnie jadziernaj zbroi ŭ Biełarusi. Pra heta jana zajaviła ŭ efiry homielskaha telebačańnia.
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami2
Kamientary