Čarkaskaha kryminalnaha aŭtaryteta, jaki źbiŭ abaroncu Bachmuta, znajšli. Jon užo vybačajecca VIDEA
Ukrainskaja palicyja za noč znajšła 28-hadovaha kryminalnika Vadzima Dałacienku.
A kali pryjšli ź pieratrusam pa miescy pražyvańnia Dałacienki, to znajšli zbroju i, papiarednie, narkotyki.
Ciapier u jaho ŭžo čatyry kryminalnyja artykuły — bo raniej kryminalnamu aŭtarytetu vystavili padazreńnie ŭ chulihanstvie i vymahalnictvie.
Nahadajem, žyćcio aŭtaryteta Vadzima Dałacienki kardynalna źmianiłasia paśla taho, jak jon padrezaŭ na darozie baćkoŭ vieterana bajavych dziejańniaŭ, udzielnika abarony Bachmuta Anatola Hančarenki.
Hančarenka zastupiŭsia za ich, i tady Dałacienka pry sustrečy źbiŭ vajskoŭca i prymusiŭ jaho vybačacca na kamieru.
Čytajcie: U Čarkaskaj vobłaści kryminalny aŭtarytet vyklikaŭ na razborki byłoha abaroncu Bachmuta, źbiŭ i prymusiŭ vybačacca
Ciapier ukrainskaja palicyja zrabiła pryblizna toje samaje — na novych videa možna ŭbačyć žorstkaje zatrymańnie kryminalnaha aŭtaryteta, a paśla i jahonyja prabačeńni pierad «usim ukrainskim narodam».
Vadzimu Dałacienku pahražaje da 12 hadoŭ źniavoleńnia. Na momant incydentu jon užo znachodziŭsia pad umoŭnym terminam.
Kamientary
Spačatku ni da " Zakon Prava" da kryminała zakonazłodziejeŭ..praciah masštabavany pad čas "2020"