Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii
Artur Miemiech pierajechaŭ u ZŠA viasnoj 2020 hoda. Padobna, što jaho zatrymali, kali jon vyrašyŭ naviedać svajakoŭ u Biełarusi. Nieŭzabavie pačniecca sud.
Arturu Miemiechu 33 hady. Jon minčuk. U 2013 hodzie skončyŭ Biełaruski dziaržaŭny ŭniviersitet infarmatyki i radyjoelektroniki, ale ŭžo z 3-ha kursa pajšoŭ pracavać u EPAM.
U EPAM Artur daros da pasady senior software engineer — heta niešta kštałtu viadučaha inžyniera ŭ biełaruskaj terminałohii. A ŭ sakaviku 2020 hoda, pierad samym pačatkam epidemii kavidu, jon rełakavaŭsia ŭ ZŠA na tuju ž pasadu ŭ ofis EPAM u horadzie Uichokien, jaki znachodzicca ŭ štacie Ńju-Džersi, ale vielmi blizka ad Ńju-Jorka.
Artur lubić padarožničać i abjeździŭ šmat haradoŭ ZŠA.
Apošni raz jon byŭ anłajn u sacsietkach naprykancy minułaj vosieni. Padobna, što Miemiech vyrašyŭ naviedać Biełaruś u kancy 2023 hoda ci pačatku 2024 hoda i byŭ zatrymany.
Artura pačynajuć sudzić 23 vieraśnia 2024 hoda. Abvinavačvajuć u «sadziejničańni ekstremisckaj dziejnaści» (č. 1 i č. 2 art. 361-4 KK). Sudzić jaho budzie Alaksandr Rudenka.
«Sadziejničańnie ekstremisckaj dziejnaści» — heta ciapier, čaściej za ŭsio, danaty na dapamohu palitźniavolenym ci na patreby ŭkrainskaj armii. Abo pierasyłańnie infarmacyi niezaležnym ŚMI.
«Naša Niva» — bastyjon biełaruščyny
PADTRYMAĆ
Kamientary