«Na abočynie lažyć trup mužčyny». Surjoznaja avaryja na trasie Minsk — Homiel
Na trasie M5 adbyłasia śmiarotnaja avaryja. Jaje ŭdzielnikami stali Renault Duster, hruzavik MAZ i maršrutka VW Crafter, piša Onliner.by.
«Siońnia kala 10:25 ranicy 38-hadovy kiroŭca hruzavika niapravilna abraŭ dystancyju da Renault, jaki jechaŭ napieradzie, i ŭrezaŭsia ŭ jaho, — raspaviali ŭ DAI vobłaści. — Renault, u svaju čarhu, sutyknuŭsia z maršrutkaj. Na miescy zahinuŭ 77-hadovy kiroŭca Duster». «Na abočynie lažyć trup mužčyny, — raspavioŭ kiroŭca Jaŭhien. — DTZ zdaryłasia ŭ rajonie vioski Chazianinki».
Mužčyna ŭdakładniŭ, što z boku Homiela sabraŭsia vialiki zator.
«Vyhladaje ŭsio tak, jak byccam lehkavy aŭtamabil urezaŭsia ŭ maršrutku, jakaja spyniłasia na śviatłafory, a ź im potym jašče sutyknuŭsia hruzavik, — apisaŭ Jaŭhien. — Heta značyć, try ŭdzielniki avaryi. Pry hetym pierad mašynaj MNS, jakaja była na miescy, na abočynie lažała jašče niejkaja kuča mietału (mahčyma, matacykł). Chutkaj dapamohi i DAI ŭ toj momant, kali ja prajazdžaŭ, jašče nie było».
Kamientary