«Papiaredžvać pra pačatak ataki my nie budziem». Krainy Zachodniaj Afryki zaćvierdzili płan interviencyi ŭ Nihier
Kiraŭnictva Ekanamičnaj supolnaści zachodnieafrykanskich krain (ECOWAS) aficyjna zajaviła, što krainy z hetaj arhanizacyi całkam hatovyja da pačatku vajny ŭ Nihiery suprać prarasijskich putčystaŭ. Heta moža adbycca ŭžo ŭ najbližejšyja dni.
Błok krain Zachodniaj Afryki ECOWAS, jaki padtrymlivajecca ZŠA, Jeŭropaj, Vialikabrytanijaj i ich sajuźnikami, paviedamiŭ, što płan i scenary vajennaj interviencyi ŭ Nihier užo padrychtavanyja. Pra heta 4 žniŭnia napisała ahienctva Reuters sa spasyłkaj na aficyjnuju zajavu kiraŭnictva ECOWAS.
Tak, kamisar pa miry, biaśpiecy i palityčnych pytańniach błoka ECOWAS Abdel-Fatau Musa zajaviŭ, što pieramovy z prarasijskaj chuntaj Nihiera, jakaja zachapiła ŭładu ŭ krainie, nie pryviali da pośpiechu.
Tamu ministry abarony krain ECOWAS raspracavali płan mahčymaha vajennaha ŭmiašańnia dla źniščeńnia putčystaŭ i adnaŭleńnia demakratyčnaha kanstytucyjnaha ładu ŭ Nihiery.
«Byli prapracavanyja ŭsie detali najbolš imaviernaha vajennaha ŭmiašańnia ŭ Nihier, uklučajučy pytańni resursaŭ, času i miescaŭ dla napadu. Papiaredžvać putčystaŭ ab terminach pačatku apieracyi nichto nie budzie. Hetaje rašeńnie prymuć lidary krain ECOWAS», — zajaviŭ u piatnicu Abdel-Fatau Musa.
Nahadajem, što 30 lipienia krainy ECOWAS vystavili ŭltymatum prarasijskaj chuncie Nihiera, pavodle jakoha jana ŭ tydniovy termin abaviazanaja vyzvalić prezidenta krainy Machamieda Bazuma i adnavić kanstytucyjny ład. U advarotnym vypadku krainy Zachodniaj Afryki z padtrymkaj krain Zachadu mohuć pačać vajennuju interviencyju suprać putčystaŭ.
Termin ultymatumu zakančvajecca ŭ hetuju niadzielu. Dalej situacyja moža pryvieści da poŭnamaštabnaj vajny ŭ Paŭnočnaj Afrycy, u jakoj sutyknucca siły Zachadu i Rasii.
Čakajučy mahčymaj ataki, chunta Nihiera, pavodle infarmacyi zachodnich miedyja, zaprasiła najmitaŭ PVK «Vahnier» u krainu, a taksama zapatrabavała ad amierykanskich i francuzskich vojskaŭ nieadkładna pakinuć Nihier. Ale tyja admovilisia.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?11
Kamientary