Uha Karvachal pa mianušcy Kurania (El Pollo) byŭ vielmi ŭpłyvovym čałaviekam u Vieniesuele pry Uha Čaviesie. Fota Manu Fernandez / AP Photo

Uha Karvachal pa mianušcy Kurania (El Pollo) byŭ vielmi ŭpłyvovym čałaviekam u Vieniesuele pry Uha Čaviesie. Fota Manu Fernandez / AP Photo

Amierykanskija prakurory abvinavačvajuć 63-hadovaha Karvachala ŭ tym, što jon byŭ siabram narkakartela i, u pryvatnaści, 17 hadoŭ tamu, budučy kiraŭnikom vajennaj raźviedki, kaardynavaŭ dastaŭku piaci z pałovaj ton kakainu ź Vieniesueły ŭ Mieksiku. Dalej narkotyk pavinien być pajści ŭ ZŠA.

Akramia taho, amierykancy padazrajuć Karvachala ŭ zabieśpiačeńni zbrojaj kałumbijskaj levaj hrupoŭki FARC («Revalucyjnyja ŭzbrojenyja siły Kałumbii»), jakaja šmat hadoŭ vajavała z zakonnymi ŭładami krainy i jakuju ZŠA abviaścili terarystyčnaj arhanizacyjaj.

Uha Karvachal hetyja abvinavačvańni adchilaje i doŭha supraciŭlaŭsia ekstradycyi ŭ ZŠA, to padajučy apielacyi, to paprostu chavajučysia.

Karvachal uznačalvaŭ vieniesuelskuju vajennuju kontrraźviedku ŭ 2004—2011 hh. Jon byŭ adnym z samych upłyvovych ludziej u krainie i adnym z nabližanych prezidenta Uha Čaviesa.

U 2011 hodzie sud u ZŠA abvinavaciŭ jaho ŭ saŭdziele ŭ narkahandli.

U 2014 hodzie jon na zapyt Dziarždepartamienta byŭ aryštavany na vostravie Aruba, jaki naležyć Niderłandam, dzie jon słužyŭ kiraŭnikom Hienieralnaha konsulstva Vieniesueły. Adnak sud pryznaŭ aryšt uładalnika dypłamatyčnaha pašparta niezakonnym, i Karvachal viarnuŭsia na radzimu, dzie jaho jak hieroja sustrakaŭ novy prezident Nikałas Madura, jaki źmianiŭ pamierłaha Čaviesa.

Ale praź piać hadoŭ Karvachal pajšoŭ suprać Madury i padtrymaŭ lidara apazicyi Chuana Huajdo — i jamu daviałosia biehčy spačatku ŭ Daminikanskuju Respubliku, a potym u Ispaniju.

U Ispanii jaho na zapyt ZŠA aryštavali, ale zatym adpuścili, bo ispanski sud pieršaj instancyi adchiliŭ zapyt amierykancaŭ.

Kali sud nastupnaj instancyi skasavaŭ hetaje rašeńnie i palicyja pryjšła znoŭ aryštoŭvać vieniesuelskaha kontrraźviedčyka, vyjaviłasia, što jon schavaŭsia.

Jaho znajšli tolki praz dva hady. Vyśvietliłasia, što jon chavaŭsia ŭ adnoj kvatery ŭ Madrydzie, pryčym nikoli ź jaje nie vychodziŭ, i navat kab vyjści papalić na bałkon, adziavaŭ paryk i falšyvyja vusy.

Sudovyja sprečki praciahvalisia dva hady i skončylisia nie na karyść Karvachala: 13 lipienia Jeŭrapiejski sud pa pravach čałavieka adchiliŭ jaho apielacyju na rašeńnie ispanskich sudoŭ usio ž vydać jaho ZŠA.

Ułady ZŠA raźličvajuć, što Karvachal šmat viedaje pra dziejnaść vieniesuelskaha kiraŭnictva i pry Čaviesie, i pry Madury, i padzielicca hetymi viedami ź imi. Inšyja vysokapastaŭlenyja vieniesuelskija čynoŭniki, takija jak były ministr finansaŭ Alechandra Andrade, zhadžalisia pryznać vinu i raspavieści amierykancam usio, što viedajuć, u abmien na skaračeńnie terminu.

Клас
13
Панылы сорам
0
Ха-ха
0
Ого
1
Сумна
1
Абуральна
1