U łahier pad Asipovičami prybyli ŭžo kala 100 adzinak vajskovaj techniki
Bolš za 100 adzinak techniki PVK «Vahnier» prybyli ŭ łahier pad Asipovičami, paviedamlaje manitorynhavaja hrupa «Biełaruski Hajun».
Vydańnie The New York Times atrymała spadarožnikavyja zdymki namiotavaha łahiera kala vioski Cel, zroblenyja 17 lipienia kampanijaj Planet. Vidać, što kałona aŭtamabilaŭ najmitaŭ Pryhožyna, jakaja ranicaj była zaŭvažanaja na trasie M5 u napramku Asipovičaŭ, jak i mierkavałasia, prybyła ŭ vajskovy palavy łahier u Celi.
Amierykanskaje vydańnie piša, što heta najbujniejšaje publičnaje źjaŭleńnie PVK z momantu jaje niaŭdałaha paŭstańnia ŭ Rasiei ŭ minułym miesiacy.
Akramia fatahrafii kałony ŭžo ŭ łahiery, udałosia zaśniać i ich źjezd z trasy M5 u bok vioski Cel. Žurnalisty paviedamlajuć, što hety zdymak byŭ zrobleny ŭ 11:12.
Pavodle najaŭnaj infarmacyi na hety momant, usio śviedčyć pra toje, što heta nie apošniaja kałona PVK «Vahnier», jakaja prybudzie ŭ Biełaruś.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha3
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary