U Minsku zadumalisia nad avijarejsam, jaki złučyć Biełaruś i Kubu
Nacyjanalny aeraport prapracoŭvaje pytańnie, kab Biełaruś i Kubu abjadnali avijaznosiny. Pra heta ŭ efiry «Biełaruś 1» raspavioŭ hienieralny dyrektar Nacyjanalnaha aeraporta Minsk Viačasłaŭ Charanieka, piša «Lusterka».
Sa słoŭ Viačasłava Charanieki, supracoŭniki Nacyjanalnaha aeraporta zrabili vialikuju pracu ź vieniesuelskaj avijakampanijaj Conviasa. Jak vynik, pavinien źjavicca rejs, jaki złučyć Biełaruś i Kubu.
— [Rejs budzie] z pasadkaj na Kubie, [zatym] pieralot, chutčej za ŭsio, praz Tehieran pojdzie na Minsk, — adznačyŭ hienieralny dyrektar aeraporta. — Heta jašče prapracoŭvajecca. Žadańnie jość. Dumaju, patencyjał našych turystaŭ z Respubliki Biełaruś budzie. Rasija taksama niedaloka. Miarkuju, kali budzie cikavaść, padciahnucca i turysty z Rasijskaj Fiederacyi.
Viačasłaŭ Charanieka adznačyŭ, što kožny hod źjaŭlajucca novyja kampanii, ź jakimi supracoŭničaje Nacyjanalny aeraport, adkryvajucca novyja maršruty.
— Sioleta my lotajem u Nižni Noŭharad, Pierm, Kałuhu. Siońnia my ŭ asnoŭnym pracujem z rasijskimi kampanijami, — skazaŭ Viačasłaŭ Charanieka. — Taksama ŭ nas jość na prykmiecie kampanii, ź jakimi my viadziom pierapisku. Ź niekatorymi ŭžo zaklučyli damovy na ŭźlot-pasadku. Heta kampanii Mahan Air (najbujniejšy pryvatny avijapieravozčyk Irana). Pracujem z kampanijami Tajłanda, Vjetnama.
Paśla prymusovaj pasadki 23 maja 2021 hoda rejsa RyanAir Afiny — Vilnia i zatrymańnia Ramana Pratasieviča i Safii Sapiehi Jeŭrasajuz zabaraniŭ biełaruskim avijakampanijam ažyćciaŭlać rejsy ŭ aeraporty ES i ździajśniać paloty nad terytoryjaj krain sajuza. Akramia taho, jeŭrapiejskija pieravozčyki stali ablatać pavietranuju prastoru Biełarusi. Kampanija «Biełavija» była vymušanaja viarnuć niekatoryja svaje samaloty lizinhavym kampanijam i skaracić fłot da 15 samalotaŭ.
Byłaja žonka Kamisaranki raskazała, čamu schavała ad jaho svajo minułaje vebkam-madeli13
Kamientary