U minskaj Čyžoŭcy 29 červienia mužčyna napaŭ na školnicu, pavaliŭ jaje na ziamlu i ŭdaryŭ u šyju šarykavaj ručkaj. Dziakujučy śviedkam jaho zatrymali pa haračych śladach, raskazali ŭ pres-słužbie MUS Minska.
![](http://d3kcf2pe5t7rrb.cloudfront.net/img/w840d4webp1/photos/z_2022_06/2022-06-29-3hi9g.png.webp)
Vidavočcy 29 červienia paviedamili ŭ milicyju, što kala prypynku hramadskaha transpartu pa vulicy Ubareviča nieviadomy mužčyna napaŭ na dziaŭčynku. Pavaliŭšy jaje na ziamlu, jon nanios niekalki udaraŭ u šyju šarykavaj ručkaj, a potym schavaŭsia.
Na miesca zdareńnia vyjechali milicyja i miedyki. Paciarpiełuju, 11-hadovuju školnicu, dastavili ŭ balnicu i paśla akazańnia miedycynskaj dapamohi adpuścili.
Apieratyŭniki nieŭzabavie zatrymali padazravanaha. Heta akazaŭsia 35-hadovy biespracoŭny, raniej sudzimy za pahrozu zabojstvam i prysvajeńnie majomaści.
Zatrymany paviedamiŭ, što da hetaha niekalki dzion zapar piŭ śpirtnoje, ale rastłumačyć pryčynu svajoj ahresii nie zmoh. Suprać jaho raspačataja kryminalnaja sprava za asabliva złosnaje chulihanstva.
Kamientary