Jak časta treba mianiać praścinu? Ekśpierty kažuć, što ad hetaha zaležyć vaša zdaroŭje
Kožny z nas pravodzić amal tracinu svajho žyćcia ŭ łožku. Niadaŭna źjavilisia vyniki daśledavańnia, praviedzienaha vytvorcam paścielnaj bializny siarod 2250 brytancaŭ. Jano było pryśviečanaje tamu, jak časta ludzi mianiajuć paścielnuju bializnu, i narabiła niamała šumu.
Vyśvietliłasia, što amal pałova adzinokich mužčyn kładuć praściny ŭ pralnuju mašynu tolki raz na čatyry miesiacy. Ažno 12% adzinokich brytancaŭ nie mohuć uspomnić, kali jany ŭ apošni raz mianiali paścielnuju bializnu, to-bok heta było vielmi daŭno, piša Welt.
Značna lepšyja vyniki pakazali brytanki, jakija vychoŭvajuć dziaciej. Jany myjuć paścielnuju bializnu raz na dva tydni. Pary, u svaju čarhu, mianiajuć paścielnuju bializnu raz na try tydni.
Jość praktyčnyja pryčyny mianiać paścielnuju bializnu redka. Treba čas i miesca, kab vysušyć praścinu ci padkoŭdranik, nie ŭsie doma majuć mašynu i ŭmovy dla hetaha. Ale, kali vyvučyć arhumienty, možna pryjści da vysnovy, što časta mianiać paścielnuju bializnu ŭsio ž taki varta.
Sprava ŭ tym, što nie tolki vy ličycie svoj łožak utulnym, jon taksama vielmi padabajecca pyłavym klaščam, hrybkam i inšym mikraarhanizmam.
Mikrabijołahi z univiersiteta Ńju-Jorka vyśvietlili, što za hod padčas snu ŭ čałaviečych załozach vyrablajecca kala sta litraŭ potu.
Kali dadać da hetaha tempieraturu čałaviečaha cieła prykładna ŭ 37 hradusaŭ, my atrymajem idealnyja ŭmovy dla razmnažeńnia mikraarhanizmaŭ, i dla alerhikaŭ heta moža stać asablivaj prablemaj.
Tamu ekśpierty rajać mianiać paścielnuju bializnu (u tym liku i praściny) nie radziej čym raz na tydzień.
Što budzie, kali rabić heta nie tak časta? Šmat što zaležyć ad imunitetu i taho, ci schilny čałaviek da alerhii.
Ale ŭ najhoršym vypadku son ŭ łožku ź niamytaj paścielnaj bializnaj moža pavialičyć vierahodnaść sutyknucca ź niebiaśpiečnymi bakteryjami i z klaščami, a taksama z kišečnaj pałačkaj — jaje taksama znajšli ŭ staroj bialiźnie. U niekatorych vypadkach jana zdolnaja vyklikać zachvorvańnie kišečnika, siepsis ci infiekcyi močavyvodziačych šlachoŭ.
«Našu Nivu» finansujuć jaje čytačy — padtrymać prosta
Čytajcie taksama:
Piać idej z usiaho śvietu dla viasnovaha hienieralnaha prybirańnia
-
Vučonyja adkryli amaładžalny efiekt raspaŭsiudžanaha preparatu ad dyjabietu
-
Žonka biełaruskaha bodzibiłdara Illi «Holema» Jefimčuka raskazała, jak jon pamior u najlepšaj klinicy Prahi i što stała pryčynaj
-
Vučonyja raskazvajuć, jak prostaja źmiena ŭ racyjonie charčavańnia moža palepšyć stan skury i imunitet
Aŭstryjski Raiffeisen Bank pradaŭ Pryjorbank arabam. Chto chavajecca za arabami?1
Kamientary