«Vpieriod, Rośsija». Što publikujuć biełaruskija praŭładnyja pabliki i błohiery pra vajnu
Pakul u Rasii błakujuć zamiežnyja sacyjalnyja sietki, u Biełarusi jany praciahvajuć pracavać biez abmiežavańniaŭ. Nie spyniajuć pracu i praŭładnyja, i prakramloŭskija pabliki. «Naša Niva» pahladzieła, jak z pačatku vajny va Ukrainie źmianiŭsia kantent placovak, dzie raniej padtrymlivali Łukašenku.
![](http://d3kcf2pe5t7rrb.cloudfront.net/img/w840d4webp1/photos/z_2020_10/marsz2_201019-ibn5o-phapm.jpg.webp)
Ekśpierty mižnarodnaj inicyjatyvy iSANS, jašče na pačatku 2020 hoda apublikavali kartu taksičnych pablikaŭ. U śpis trapili supołki, jakija raźmiaščali kantent, nakiravany na dyskredytacyju idei niezaležnaj Biełarusi i nacyjanalnaj identyčnaści biełarusaŭ. U paślavybarčy pieryjad hetyja supołki prynialisia aktyŭna dyskredytavać biełaruskuju apazicyju, aktyvistaŭ i pratestoŭcaŭ.
Spačatku ekśpierty padzialali taksičnych aŭtaraŭ na praŭładnych i prakramloŭskich, adnak pa słovach ekśpierta iSANS Andreja Jelisiejeva, z pačatkam vajny Rasii suprać Ukrainy roźnicy pamiž imi amal nie zastałosia.
![](http://d3kcf2pe5t7rrb.cloudfront.net/img/w732d4webp1/photos/z_2022_03/165709780_4673318659361854_3930550484414046914_n-pwdfo.jpg.webp)
«Niekatoryja akaŭnty zaniali vyrazna prarasijskuju pazicyju, u vyniku, roźnica pamiž imi i rasijskimi pablikami stała ledź prykmietnaj. Choć častka ŭsio ž sprabuje zachoŭvać iluziju niejtralitetu».
Pabliki, jakija daśledčyki adnieśli da taksičnych, mimikrujuć pad miascovyja haradskija abo respublikanskija. U ich stužkach možna ŭbačyć, jak prosta pryhožyja karcinki i miascovyja naviny, tak i kantent, jaki možna pačuć z vusnaŭ rasijskaj prapahandy.
Častka takich supołak maje bolš ahresiŭnuju rytoryku. U takich pablikach infarmacyja prarasijskaha napramku značna pieravažaje nad miascovym kantentam.
![](http://d3kcf2pe5t7rrb.cloudfront.net/img/w732d4webp1/photos/z_2022_03/-lqxw0.png.webp)
Niaredka možna zaŭvažyć, što adminy takich pablikaŭ časta raźmiaščajuć u stužcy reposty ź inšych tavaryskich im supołak.
Ekśpiert adznačaje, što raniej pabliki z taksičnym źmiestam najbolšym čynam kancentravalisia va «UKantakcie». Ale ŭ druhoj pałovie 2020 hoda situacyja źmianiłasia.
«Paśla prezidenckich vybaraŭ nadzvyčaj papularnym staŭ Telegram. Taksama vialikuju papularnaść u jakaści infarmacyjnych placovak nabyli Instagram i Tik Tok. Ich aŭdytoryja praciahvaje raści. U adroźnieńnie ad Instagram i Tik Tok, «UKantakcie» hublaje papularnaść siarod biełaruskaj aŭdytoryi, Jutub taksama ŭ našaj krainie nie staŭ miehapapularnym».
Pa nazirańniach Jelisiejeva, u Instagram prademakratyčnyja akaŭnty majuć značnuju pieravahu nad praŭładnymi i prakramloŭskimi. Što tyčycca Tik Tok, to vialikaj roźnicy pamiž achopami niama. Praŭładnyja pabliki va «UKantakcie» ŭ značnaj stupieni sastupajuć pa papularnaści prabiełaruskim i prademakratyčnym.
![](http://d3kcf2pe5t7rrb.cloudfront.net/img/w732d4webp1/photos/z_2022_03/-7of6f.png.webp)
Ekśpiert śćviardžaje, što častka telehram-kanałaŭ i akaŭntaŭ u sacsietkach z taksičnym źmiestam naležać supracoŭnikam siłavych orhanaŭ i dziaržaŭnych ŚMI. Niekatoryja instabłohiery taksama majuć dačynieńnie da praŭładnych miedyja.
Naprykład, błohier i karespandent STV Ściuša Tajm u svaim Instagram na čaćviorty dzień paśla pačatku vajny apublikavała videa, dzie jana paziruje z rasijskim ściaham pad trek Aleha Hazmanava «Vpieriod, Rośsija».
Inšy praŭładny błohier na druhi dzień ad pačatku vajny apublikavaŭ videa, dzie zaklikaŭ biełarusaŭ infarmacyjna padtrymać Rasiju.
«Mnohija akaŭnty ananimnyja, ich aŭtary i ich matyvacyja nieviadomyja — dla kahości heta, mabyć, chobi, a dla kahości — praca», — adznačaje ekśpiert.
![](http://d3kcf2pe5t7rrb.cloudfront.net/img/w732d4webp1/photos/z_2022_03/2-scnxy.png.webp)
Hetaja pabliki i błohiery nie tranślujuć ničoha novaha, jany chutčej źjaŭlajucca retranślatarami rasijskaj prapahandy, jakuju vialikimi porcyjami vydaje telebačańnie. Jany vykarystoŭvajuć usie tyja ž arhumienty pra «dzie vy byli ŭsie hetyja 8 hadoŭ» i h. d.
![](http://d3kcf2pe5t7rrb.cloudfront.net/img/w732d4webp1/photos/z_2022_03/-8g5jv.png.webp)
Jak pakazvaje statystyka, retranślacyja rasijskaj prapahandy z dapamohaj pablikaŭ, jakija mimikrujuć pad miascovyja biełaruskija, nie maje vialikaj papularnaści. Jany značna sastupajuć pa ŭciahnutaści aŭdytoryi demakratyčnym supołkam. Toje ž adbyvajecca i z praŭładnymi błohierami, navat niahledziačy na rehularny ŭzajemny pijar, ich aŭdytoryja značna sastupaje pa kolkaści padpisantam prademakratyčnych staronak.
Chto hety pałkoŭnik, što miamlić na rasijskim TB? Heta ž Jeranasian: fryk, «piśmieńnik», čarnasocieniec i pramoŭtar minskaha kazino
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary