Siarhieju Cichanoŭskamu vystavili kančatkovaje abvinavačańnie pa čatyroch artykułach. Da 15 hadoŭ źniavoleńnia
Śledčy kamitet zaviaršyŭ rasśledavańnie kryminalnaj spravy ŭ dačynieńni da Siarhieja Cichanoŭskaha, Mikałaja Statkieviča i ich paplečnikaŭ.
Siarhieju Cichanoŭskamu vystaŭlena kančatkovaje abvinavačańnie pa nastupnych artykułach Kryminalnaha kodeksa:
— 293 (arhanizacyja masavych biesparadkaŭ);
— 130 (raspalvańnie sacyjalnaj varožaści);
— 191 (pieraškoda pracy CVK);
— 342 (arhanizacyja dziejańniaŭ, jakija hruba parušajuć hramadski paradak).
Sankcyja najbolš ciažkaha artykuła praduhledžvaje pakarańnie ŭ vyhladzie pazbaŭleńnia voli terminam da 15 hadoŭ.
U SK ličać, što abvinavačanyja «na praciahu doŭhaha pieryjadu času aktyŭna zajmalisia padrychtoŭkaj i arhanizacyjaj masavych biesparadkaŭ na terytoryi krainy ŭ postvybarčy pieryjad». A sam Cichanoŭski ŭ svaim telehram- i youtube-kanałach «Kraina dla žyćcia» «adkryta zaklikaŭ da hvałtu ŭ dačynieńni da pradstaŭnikoŭ ułady i pravaachoŭnych orhanaŭ, a taksama svaimi vykazvańniami raspalvaŭ sacyjalnuju varožaść i varožaść u hramadstvie pa prykmietach sacyjalnaj prynaležnaści».
Kamientary