Premjer-ministr Polščy Matevuš Maraviecki zajaviŭ, što dziakujučy dyscyplinie i zhurtavanaści polski narod vychodzić pieramožcam z baraćby z epidemijaj karanavirusa. Kiraŭnik urada padziakavaŭ usim za adkaznaść i salidarnaść u hety ciažki čas, paviedamlaje «Radyjo Polšča».
Matevuš Maraviecki adznačyŭ, što epidemija karanavirusa zjaŭlajecca samym vialikim kryzisam za apošnija dziesiacihodździ, ź jakim sutyknułasia Polšča:
— Polšča — kraina, jakaja praciahvaje raźvivacca, dała sabie rady z samymi składanymi za apošnija dziesiacihodździ rašeńniami. Heta stanovišča mahło pryvieści da apakaliptyčnych nastupstvaŭ. Moža, pamiatajecie vajskovyja hruzaviki z trupami ŭ Italii? Ludziej, jakich adklučali ad aparataŭ ŠVŁ, jakich nie prymali ŭ lakarni? Heta ŭsio adbyvałasia ŭ krainach Zachodniaj Jeŭropy. Pavodle roznych źviestak, Polšča zajmaje adno ź pieršych miescaŭ pa vynikach baraćby z epidemijaj. Polšča — kraina, jakaja ratavała kožnaha čałavieka.
Stanam na 2 červienia ŭ Polščy byŭ vyjaŭleny 24 271 vypadak karanavirusa. U vyniku hetaj chvaroby pamior 1081 žychar Polščy. Epicentram epidemii praciahvaje zastavacca Silezija.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary