Z ofisu Ruchu za Svabodu vynosiać majomaść
18 listapada 2008 hoda sudovy vykanaŭca suda Pieršamajskaha rajona pryniaŭ rašeńnie pra apisańnie majomaści aktyvista Ruchu za Svabodu Alaksieja Kavalca ŭ kvatery, jakuju zdymaje aktyvist.
Vopis byŭ praviedzieny «dziela vykanańnia prysudu prapisanamu ŭ hetaj kvatery synu ŭładalnicy kvatery — Alaksandru Pyžkovu», jaki byŭ asudžany da piaci hadoŭ pazbaŭleńnia voli za machlarstva ŭ vielmi bujnym pamiery.
Aktyvist Ruchu za Svabodu Alaksiej Kavalec arandavaŭ kvateru ŭ maci asudžanaha.
U sudovym liście kanfiskacyi ŭ jakaści pahašeńnia doŭhu kala 50 punktaŭ.
Alaksiej Kavalec padaŭ pazoŭ u sud Minska pa fakcie apisańnia majomaści, adnak sa śpisu byli vyklučanyja tolki dzieviać pradmietaŭ.
Jak zajaviŭ «NN» lider RS Alaksandr Milinkievič, hetaja kanfiskacyja maje za metu «jašče bolš addalić Biełaruś ad Jeŭropy i zakansiervavać režym».
Pavodle słoŭ Milinkieviča, jaho asabista kanfiskacyja nie nadta turbuje.
«Jak adsiul rečy vynieśli, tak na ich miesca my novyja zaniasiem», — zajaviŭ jon.
Pavodle słoŭ Alaksieja Kavalca, toje, što zaraz adbyvajecca na kvatery, jakuju zdymaje asabista jon dla patreb ruchu, — absurd. Spadar Kavalec nahadaŭ, što sud Pieršamajskaha rajona pastanaviŭ kanfiskavać tolki majomaść adnaho z prapisanych u dadzienaj kvatery. Adnak, ihnarujučy zakanadaŭstva, kanfiskoŭvajecca čamuści i majomaść, jakaja naležyć aficyjna zarehistravanaj [17 śniežnia 2008 h.] arhanizacyi.
Pradstaŭnik ža suda, u svaju čarhu, adznačyŭ, što nijakaha palityčnaha adcieńnia dadzienaja kanfiskacyja nie maje. «My prosta vykonvajem rašeńnie suda», — padkreśliŭ jon.
«Interfaks» paviedamlaje, što pradavacca rečy buduć u Handlovym domie «Uschodni».
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary