Prezident ZŠA Donald Tramp na praciahu apošnich niekalkich tydniaŭ zajaŭlaŭ ludziam sa svajho atačeńnia, što nie choča jechać na samit G7 u francuzskim Bijarycy, paviedamlaje CNN. Kiraŭnik Złučanych Štataŭ kazaŭ, što paśla dźviuch padobnych sustreč u 2017 i 2018 hadach pryjšoŭ da vysnovy, što samity «siamiorki» źjaŭlajecca pustym marnavańniem času.
Telekanał zaznačaje, što padobnyja zajavy Tramp rabiŭ i ŭ razmovach ź japonskim premjer-ministram Sindza Abie i prezidentam Francyi Emaniuelem Makronam, jakija ŭ svaju čarhu sprabavali pierakanać amierykanskaha lidara.
Na dumku Trampa, samit z udziełam lidaraŭ niekalkich krain mienš karysny, čym dvuchbakovyja pieramovy, na jakich, jak ličyć amierykanski prezident, možna kazać ab kankretnych rečach, a nie ab prablemach, naprykład, hłabalnaha paciapleńnia, jakija jamu nie vielmi cikavyja.
Kamientary