Ministerstva abarony Izraila praviało na Alascy paśpiachovyja vyprabavańni rakiety «Chiec-3» (Hetz-3), pryznačanaj dla pierachvatu balistyčnych rakiet za miežami atmaśfiery. Pra heta paviedamlaje izrailskaje vajennaje viedamstva.
Vyprabavańni pravodzilisia Ministerstvam aerakaśmičnaj pramysłovaści i abarony Izraila sumiesna z amierykanskim Ahienctvam pa supraćrakietnaj abaronie, na startavym kompleksie Pacific Spaceport Complex Alaska (PSCA) na vostravie Kadźjak.
U Minabarony dadali, što takoje miesca dla vyprabavańniaŭ było abrana dla taho, kab pratestavać mahčymaści sistemy, jakija nie paddajucca praviercy na terytoryi Izraila.
Za 10 dzion vyprabavańniaŭ na Alascy sistema ździejśniła try paśpiachovyja pierachvaty celaŭ. Jak udakładniaje Jerusalem Post, testy rakiety, pryznačanaj dla abarony Izraila, upieršyniu prajšli na terytoryi inšaj krainy.
U vyprabavańniach taksama byŭ zadziejničany amierykanski radar supraćrakietnaj abarony AN-TPY2. Testy pakazali sumiaščalnaść i paśpiachovuju sumiesnuju rabotu amierykanskaj sistemy vyjaŭleńnia rakiet i novaj rakiety izrailskaj supraćrakietnaj abarony.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary