Kolery Vialikaha Kniastva. Biełarus zaviaršyŭ hrandyjoznuju vystavu va Urocłavie
U interviju Svabodzie mastak raspavioŭ pra svaju najnoŭšuju pracu, paśla jakoj vyrašyŭ uziać adpačynak.
![Muzej architektury va Ŭrocłavie](http://d3kcf2pe5t7rrb.cloudfront.net/img/w732d4webp1/photos/z_2018_08/089ad97d-c783-46e0-86df-e7e3e178bd90_w650_r0_s-12s9h.jpg.webp)
«Mastaki Vialikaha Kniastva zaŭsiody byli mocnyja kolerami»
Ekspazycyja Taraseviča adbyvałasia ŭ Muzei architektury. Heta adziny muzej u Polščy, całkam pryśviečany architektury. Vystava składałasia z troch častak, jakija pakazvali evalucyju mastaka — ad tradycyjnych karcinaŭ na pałatnie i papiery praź instalacyi ŭ interjery muzeju da adaptacyju muzejnaha sadu.
![](http://d3kcf2pe5t7rrb.cloudfront.net/img/w732d4webp1/photos/z_2018_08/a7b29290-9875-4dbc-80d0-d13ecd854acc_w1023_r0_s-uile9.jpg.webp)
«Ja pakazvaju pryrodu ź jak maha bolšaj dolaj syntezu. Rablu heta sučasnaj maneraj žyvapisu. Maje pracy majuć charaktar suzirańnia. My, mastaki, jakija vyjšli ź Vialikaha Kniastva Litoŭskaha, zaŭsiody byli mocnyja kolerami i duchoŭnaściu. Tamu moj styl davoli naturalny dla našych abšaraŭ. U Polščy, naprykład, žyvapis symbaličny, adčuvajecca vialiki ŭpłyŭ katalictva, kanflikty z Berlinam i Maskvoju. U maich pracach hetaha niama», — tłumačyć mastak.
«Heta była najciažejšaja praca»
![](http://d3kcf2pe5t7rrb.cloudfront.net/img/w732d4webp1/photos/z_2018_08/d0c2cde8-aa06-4fc3-95e7-c25583a291f7_w1597_r0_s-cjr38.jpg.webp)
Ale hetym razam katalictva ŭsio ž było prysutnaje ŭ pracy Taraseviča. Fonam. Muzej architektury, dzie prachodziła jaho vystava, raniej byŭ bernardynskim klaštaram. Mienavita pieršaja funkcyja hetaha miesca natchniła Taraseviča na niezvyčyjny eksperyment.
![](http://d3kcf2pe5t7rrb.cloudfront.net/img/w732d4webp1/photos/z_2018_08/673657ed-9e51-4f1f-a447-74b9a9e59dc9_w650_r0_s-i6c0c.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2018_08/cd117540-15e9-4163-90fe-4e6080e5c76b_w650_r0_s-t7bgg.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2018_08/9f27ce47-2a3d-4ab1-83ab-ae72ea1f88f5_w1597_r0_s-2nyta.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2018_08/e286a5ae-4e2b-4e24-8ffc-875c182261cf_w650_r0_s-fhjzk.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2018_08/35c4913a-ddca-4746-8359-a4e8ba1e7419_w650_r0_s-fx2p6.jpg.webp)
«U Viciebsku moj rośpis zamalavali»
«Kali ja dumaju pra Biełaruś, to pieršaje, što prychodzić mnie ŭ hałavu, — niešta narodnaje. Ja, naprykład, zdalok adroźniu ŭkrainskuju, rasiejskuju i biełaruskuju vyšyŭki. Ja dumaju, što treba pieraasensavać narodnuju vyšyŭku i zrabić z hetaha zychodny punkt», — kaža mastak.
![](http://d3kcf2pe5t7rrb.cloudfront.net/img/w732d4webp1/photos/z_2018_08/f6d641e9-be79-484d-8208-810206d4add2_w1023_r0_s-8qx1y.jpg.webp)
U Biełarusi Lavon Tarasevič byŭ apošni raz dva hady tamu. Jon čytaŭ lekcyju ŭ Akademii mastactvaŭ. Ale na tvorčuju pracu ŭ Biełarusi ŭ mastaka niama ani času, ani žadańnia. Adbiła achvotu vystava ŭ Pałacy mastactvaŭ i prablemy ź Ministerstvam kultury i tahačasnym vice-ministram Uładzimieram Ryłatkam.
![](http://d3kcf2pe5t7rrb.cloudfront.net/img/w732d4webp1/photos/z_2018_08/4c6ee63b-e3dc-4f92-93a4-cd35fba4d297_w1597_r0_s-zat6r.jpg.webp)
Kamientary