«Kaśpierski» raspavioŭ, jakija pryłady stanuć abjektami kibieratakaŭ u nastupnym hodzie
«Łabaratoryja Kaśpierskaha» čakaje ŭ nastupnym hodzie pavieličeńnia kolkaści kibieratak na raspracoŭščykaŭ papularnych prahram, a taksama na pryłady, padłučanyja da internetu («internet rečaŭ»), u tym liku na bankamaty, aŭtamabili, a taksama piersanalnyja dadzienyja, uklučajučy sacsietki i miedycynskuju infarmacyju, havorycca ŭ paviedamleńni kampanii.
![](http://d3kcf2pe5t7rrb.cloudfront.net/img/w840d4webp1/photos/z_2017_12/kaspersky-lab-2otwr-tooja.jpg.webp)
«Atakavać buduć nie kančatkovyja mety — jak praviła, heta vialikija kampanii z nadziejnaj i šmatsłajovaj kibierabaronaj. U takich vypadkach značna praściej vykarystoŭvać pasiarednika, jakim moža vystupić vytvorca papularnych prahram, jakija vykarystoŭvajucca ŭ karparatyŭnym siehmiencie. Samymi viadomymi stali incydenty z Shadowpad i CCleaner», — tłumačyć kampanija.
Što tyčycca pryvatnych karystalnikaŭ, ekśpierty čakajuć, što napady na pryłady «internetu rečaŭ», u pryvatnaści, na roŭtery i veb-kamiery, taksama buduć praciahvacca ŭ 2018 hodzie.
Ekśpierty taksama aścierahajucca kradziažu piersanalnych dadzienych ab stanie zdaroŭja, jakija časta zachoŭvajucca na fitnes-trekierach i inšych miedycynskich pryładach.
«Inšy kłas pryładaŭ, jaki apyniecca pad udaram u 2018 hodzie — bankamaty», — adznačajecca ŭ paviedamleńni.
Analityki kampanii miarkujuć, što adbudziecca aŭtamatyzacyja napadaŭ na hetyja pryłady: da bankamata budzie padłučacca mini-kampjutar, jaki aŭtamatyčna vyrablaje zaražeńnie i aktyvacyju škodnasnaj prahramy, jakaja vydaje hrošy ci źbiraje dadzienyja ab kartkach.
Akramia taho, ličać u kampanii Kaśpierskaha, siarod pahroz u kibierprastory u 2018 hodzie — rost manipulavańnia i ŭzłomaŭ ŚMI dziela zdabyvańnia prybytku.
Kamientary