Uład Bumaha sabraŭ u minskim handlovym centry Galleria try tysiačy prychilnikaŭ. Arhanizatary vyrašyli spynić sustreču z chłopcam u handlovym centry, pakolki stała zrazumieła, što moža pačacca ciskanina.
Bumaha — sapraŭdnaje proźvišča biełaruskaha błohiera. Jutub-kanał staŭ papularnym dziakujučy dvum videa, jakija vyśvietliłasia paśla, byli fejkami.
Pieršaje — noč u akvaparku «Labiažy». Heta papularny žanr videa na Jutubie, kali zadačaj błohiera stanovicca zanačavać u jakim-niebudź hramadskim miescy, naprykład, handlovym centry ci kinateatry. Paśla hledačy vykłali skrynšoty ź videa Ułada, dzie byli vidać achoŭniki akvaparka (tajmkod 9:31 na videa). Ale heta nie pieraškodziła jamu nabrać 8 miljonaŭ prahladaŭ.
Druhoje videa, jakoje pryniesła słavu błohieru, — noč u batutnaj arenie, jakoje taksama akazałasia fejkam. Videa nabrała 9 miljonaŭ prahladaŭ.
Jašče adno videa, jakoje maje 9 miljonaŭ prahladaŭ — pieśnia «Tajet Srok». Heta parodyja na chit viasny ad ukrainskaha hurta «Hryby». Videa pryśviečana słužbie ŭ vojsku.
Amal 4 miljony nabrała videa, dzie darosłyja chłopcy budujuć sabie piačoru sa śnieha.
Prank (rozyhryš) nad tatam Ułada nabraŭ bolš za 3 miljony prahladaŭ. Chłopiec prosta abkleiŭ mašynu baćki kalarovymi ścikierami.
Kanał junaka nazyvajecca A4 i maje vyklučna zabaŭlalny kantent: łajfchaki (karysnyja parady), čelendžy (vyprabavańni), pranki (rozyhryšy) dy ekśpierymienty.
Kamientary