Prynosiš dziońnik z adznakaj pa biełaruskaj movie — atrymlivaješ źnižku
Niezvyčajnuju akcyju pačała kampanija «Tvoj vielik», ofis jakoj raźmieščany ŭ ahraharadku Vierciališki Hrodzienskaha rajona. Ad 1 da 15 červienia jany prapanujuć źnižki na nabyćcio niekatorych rovaraŭ u zaležnaści ad adznaki, atrymanaj za hod pa biełaruskaj movie.
«10 = 10%. Vučycca dobra vyhadna!» — tak hučyć rekłamny słohan kampanii. Mahaziny «Tvajho vielika» raźmieščanyja va ŭsich abłasnych centrach krainy.
«Akcyja nie spantannaja, jana daŭno płanavałasia. Atrymlivajem vializnuju kolkaść padziak, navat nie čakali nastolki pazityŭnaj reakcyi. Pryčym samaje cikavaje, što niejkaja mierkantylnaść, čamu 10%, a nie 50%, adychodzić u ludziej na druhi płan. Jany najpierš stanoŭča reahujuć na biełaruskuju movu», — raskazaŭ «NN» Michaił z adździełu prodažaŭ. Pryčym surazmoŭca havaryŭ na vydatnaj biełaruskaj movie.
Dla atrymańnia źnižki na «Tvoj vielik» patrebnyja nastupnyja dakumienty: kopija pašparta baćkoŭ i dźvie kopii ź dziońnika (z proźviščam i nazvaj škoły, a taksama z hadavymi adznakami).
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary