Ad Volskaha da Karža: abvieščanyja naminanty premii Experty.by

Abvieščany nazvy 11 biełaruskich muzyčnych dyskaŭ 2016 hoda, jakija paspračajucca za ŭznaharody Experty.by pa hałasach biełaruskich i zamiežnych muzyčnych krytykaŭ. Cyrymonija ŭručeńnia adbudziecca 22 sakavika pry padtrymcy prajekta Maksivision.

U hetym hodzie ŭ žury premii 15 biełaruskich i 5 zamiežnych muzyčnych krytykaŭ z susiednich krain: Andrej Bucharyn (Rolling Stone, Rasija), Michał Viačorek (Gazeta Magnetofonowa, Polšča), Miła Kraŭčuk (Karabas.Live, Ukraina), Vałdas Łapieta (Ghost Note, Litva) i Chienryks Elias Zehners (Delfi.lv, Tvnet.lv, Satori.lv; Łatvija). Ankiety ŭsich siabroŭ žury buduć apublikavanyja paśla cyrymonii.

— Štatnyja ekśpierty pasłuchali kala 150 vydadzienych u 2016 hodzie biełaruskich albomaŭ, 29 ź ich byli adrecenzavanyja i razhledžanyja ŭ miežach uznaharod, — raspaviadaje Źmicier Biezkaravajny, kiraŭnik prajekta Experty.by. — Ahulnaja karcinka atrymałasia piarestaj i niepadobnaj na inšyja hady. Naprykład siarod naminantaŭ daŭno nie było stolki prajektaŭ z žanočym vakałam. Ź inšaha boku, pa-za miežami śpisu apynulisia mocnyja pracy Akute, Re1ikt, Źmitra Vajciuškieviča, «Stary Olsa», Siarhieja Puksta i inšych artystaŭ — heta dobry pakazčyk kankurencyi.

Kab prciahnuć uvahu da ŭsich naminantaŭ, arhanizatary abviaščajuć ich adzinym śpisam, biez pryviazki da kankretnych katehoryjaŭ. Paznajomicca z naminantami možna ŭ miežach admysłovaj składanki.

Składanka naminantaŭ

Pieramožca hałoŭnaj naminacyi «Albom hoda» atrymaje ŭ jakaści pryza rekłamna-infarmacyjnuju padtrymku solnaha kancerta ad partniora ŭznaharod — multymiedyjnaha prajekta Maksivision. Vystup maje adbycca da 1 červienia 2017 hodu. U minułyja hady anałahičnyja ŭznaharody atrymali Shuma (2016), Port Mone (2015), Pukstband (2014), dziakujučy čamu jany praviali svaje najbujniejšyja kancerty ŭ Minsku.

U miežach cyrymonii buduć nazvanyja pieramožcy ŭ 11 naminacyjach, u tym liku: «Albom hoda», «Lepšy biełaruskamoŭny albom», «Lepšy debiutny albom», «Lepšy rok-albom, «Lepšy pop-albom», «Lepšy fołk-albom», «Lepšy idzi-pop/elektronny albom». Paznajomicca z rehłamientam uznaharod i pasłuchać usie albomy možna na sajcie Experty.by.

Spis naminantaŭ (u ałfavitnym paradku):

Vośmydzień «Žnivień» — słuchać
Lavon Volski «Psichasamatyka» — słuchać
Maks Korž «Małyj povzrośleł, č.1» — słuchać
Pietla pristrastija «Moda i obłaka» — słuchać
Ayva «Točno» — słuchać
Ilo & Friends «Koła» — słuchać
IOWA «Import» — słuchać
Mustelide «Spi» — słuchać
Nebulae Come Sweet «It's Not The Night That Covers You» — słuchać
Shuma «Sonca» — słuchać
Witness Temple «Suckcessful» — słuchać

• 0
• 0
• 0
• 0
• 0
• 0
• 0
• 0