Bujnaja aŭtaavaryja na Mahiloŭskaj šašy la stalicy
18 traŭnia, kala 8:30 na 18-m kilamietry trasy Miensk-Mahiloŭ na vialikaj chutkaści aŭtamabil marki BMW prataraniŭ taksi (Citroen).
Na ažyŭlenym učastku trasy Miensk — Mahiloŭ sutyknulisia adrazu niekalki aŭtamabilaŭ. Adzin čałaviek zahinuŭ, piaciora trapili ŭ balnicy.
Sutyknieńnie zdaryłasia a pałovie na vośmuju ranicy niadzieli na 18 kilametry mahiloŭskaj trasy. Aŭtamabil BMV ruchaŭsia na vialikaj chutkaści ŭ krajnim levym šerahu j litaralna prataraniŭ taksoŭku, jakaja jšła papieradzie.
U vyniku taksoŭku śpiarša kinuła na metaličnuju aharodžu, paśla zaniesła na inšuju pałasu. Udar byŭ nahetulki mocnym, što ruchavik vylecieŭ z mašyny.
Aŭtamabili, što ruchalisia paralelna, stali rezka tarmazić. Z‑za łancuhovaj reakcyi sutyknulisia jašče dva aŭtamabili j rejsavy aŭtobus. Piać čałaviek, u tym liku dva dziciaci, z roznymi traŭmami dastaŭlenyja ŭ balnicu.
Taksisit i kiroŭca BMV atrymali tolki lohkija ŭdary, ale ŭciamna pałtumačyć pryčynu zdareńnia nie zmahli.
Pavodle słoŭ inspektaraŭ, prykmiety alkaholnaha apjanieńnia ŭ kiroŭcy BMV byli bačnyja vizualna. Pry hetym u aŭtamabili znachodziłasia jahonaja dačka. Jak paviedamili ŭ DAI, hetaha čałavieka nieadnarazova štrafavali za parušeńnie chutkasnaha režymu j za kirvaańnie ŭ niećviarozym vyhladzie. Na momant DTZ ŭ jaho było dziejnaje administracyjnaje spahnańnie.
U vyniku sutyknieńnia ruch na trasie Miensk — Mahiloŭ byŭ paralizavany na niekalki hadzin, utvaryŭsia šmatkilametrovy zator.
Pavodle ont.by
Fota dasłaŭ Jaŭhien Smuraha
Hetyja fatazdymki dasłanyja našym čytačom
Dasyłajcie na [email protected] vašy fatazdymki. Źmiaščajcie narodnyja naviny. Paviedamlajcie pra pilnyja zdareńni na telefony
(029) 707-73-29,
(029) 613-32-32,
(017) 284-73-29
Chaj ludzi ŭbačać vašymi vačyma!
Kamientary