Navukoŭcy zmohuć prahnazavać paśpiachovaść šlubu pa hałasach muža i žonki
Amierykanskija navukoŭcy raspracavali kampjutarny ałharytm, dziakujučy jakomu možna pry dapamozie analizu hołasu sprahnazavać pośpiech siamiejnych adnosin. Vyniki svaich daśledavańniaŭ jany apublikavali ŭ časopisie Proceedings of Interspeech.
![](http://d3kcf2pe5t7rrb.cloudfront.net/img/w732d4webp1/photos/z_2015_11/advice-for-nelyweds-fa4y2.jpg.webp)
Ałharytm, jaki analizuje tanalnyja asablivaści hałasoŭ muža i žonki, u pryvatnaści, intensiŭnaść i častatu havorki, dazvoliŭ z dakładnaściu 79% pradkazać pośpiech abo niaŭdaču ŭ pabudovie i raźvićci siamiejnych adnosin.
U ramkach svajoj pracy navukoŭcy zapisali hutarki kala sotni siamiejnych par, jakija na praciahu dvuch hadoŭ naviedvali terapieŭtyčnyja sieansy z metaj palapšeńnia i padtrymańnia svaich adnosin. Paśla hetaha śpiecyjalisty na praciahu piaci hadoŭ sačyli za raźvićciom uzajemaadnosin u hetych siemjach.
Terapieŭty, jakija hutaryli z žonkami, zmahli dać pravilny prahnoz raźvićcia adnosin tolki ŭ 75% vypadkaŭ. Navukoŭcy źbirajucca vykarystoŭvać raspracavanaje prahramnaje zabieśpiačeńnie na sieansach siamiejnaj terapii.
Daśledavańnie aŭtaraŭ padtrymlivaje Nacyjanalny navukovy fond ZŠA. Jaho metaj źjaŭlajecca zachavańnie siemjaŭ i papiaredžańnie prablem u ich. U dalejšym navukoŭcy płanujuć z hetaj ža metaj zaniacca vyvučeńniem ruchaŭ cieła muža i žonki i analizam słoŭ, jakija imi vymaŭlajucca.
Kamientary