Urad Kyrhyzstana praciahnie prykładać namahańni dla ekstradycyieks-prezidenta Kurmanbieka Bakijeva i jaho brata Žanyša Bakijeva, jakija atrymali prystanišča ŭ Biełarusi, zajaviŭvice-prem jer Šamil Atachanaŭ u intervju miascovamu ahienctvu AKIpress.
«My hetuju pracu budziem abaviazkova praciahvać, — skazaŭ jon. — Zabojstva i masavaje zabojstva — heta surjoznyja abvinavačańni, pa jakich dziaržava nie maje prava pakinuć heta pytańnie i pakłaści pad sukno. My pa pytańni ekstradycyi arhanizoŭvajem surjoznuju pracu».
Pavodle słoŭ Atachanava, niadaŭna Biełaruś naviedała rabočaja hrupa, jakaja «praviała pieramovy, vyznačyła pieršyja etapy raźvićcia adnosinaŭ». «Raniej ža nie było naohuł mahčymaści vieści pieramovy. Hetaja praca budzie praciahvacca», — padkreśliŭ
Jon nahadaŭ, što raniej u adkaz na admovu biełaruskaha boku ŭ vydačy Bakijeva kyrhyzstanskaje źniešniepalityčnaje viedamstva paniziła ŭzrovień svajho dypłamatyčnaha pradstaŭnika ŭ Biełarusi da časovaha pavieranaha zamiest paŭnamocnaha pasła.15 maja namieśnik ministra zamiežnych spraŭ Kyrhyzstana Askar Biešymaŭ paviedamiŭ žurnalistam, što praces ekstradycyi Bakijevych «maje pazityŭny ruch» i zaraz «iduć pieramovy».
Nahadajem, Kurmanbiek Bakijeŭ ź nieaficyjnaj žonkaj i dvuma dziećmi pryjechaŭ u Biełaruś pavodle asabistaha zaprašeńnia Alaksandra Łukašenki 19 krasavika 2010 hoda paśla dziaržaŭnaha pieravarotu ŭ Kyrhyzstanie.
Kamientary