Як стала вядома «Нашай Ніве» з уласных крыніц, не так даўно сілавікі (найімаверна, КДБ) затрымалі каля двух дзясяткаў чалавек, якія мелі дачыненне да гандлю кармамі для жывёл.
Канкрэтна гаворка пра фірмы «Кінc» і «Белэкатэхніка» — яны прадавалі вітамінныя дадаткі да кармоў, а таксама ветэрынарныя прэпараты.
Сярод асноўных кліентаў — дзяржаўныя фермы і фабрыкі.
Зрэшты, і кіраўніцтва кампаніямі ажыццяўлялі былыя наменклатуршчыкі — затрыманы дырэктар «Кінс» Уладзімір Бабёр раней займаў значную пасаду ў камітэце па сельскай гаспадарцы Мінаблвыканкама.
Знайсці яго на рабочым месцы мы не змаглі, мабільны таксама адключаны.
Нейкі каментар мы атрымалі толькі ад аднаго з намеснікаў Бабра.
«Сітуацыю каментаваць я не буду. Калі вам цікава, як у кампаніі справы, то рахункі нашыя размарожаныя, кампанія працуе ў звычайным рэжыме», — сказаў Дзмітрый Паўлючэнка, якога сакратарка «Кінс» прадставіла як галоўнага на дадзены момант.
У кампаніі і яе аддзелах па краіне працуюць каля 400 чалавек.
Па інфармацыі «Нашай Нівы», у рамках гэтай жа справы экс-кіраўнік Чэрвеньскага райаграсервіса ўжо атрымаў 7 гадоў пазбаўлення волі.
Следчы камітэт пакуль не адказаў на наш запыт, у прэс-службе КДБ сказалі, што каментаванне гэтай справы ўжо выйшла з кампетэнцыі ведамства.
«Больш за ўсё паскудстваў прычыняе яўрэёныш». Дзіцячая доктарка з Мінска шакавала антысеміцкімі выказваннямі36
Каментары