Hramadzianin Biełarusi atrymaŭ realny termin za sprobu padpału biełaruskaj ambasady ŭ Vilni
Vilenski sud pryhavaryŭ hramadzianina Biełarusi da realnaha turemnaha źniavoleńnia za sprobu źniščeńnia majomaści hramadska niebiaśpiečnym sposabam i sprobu ŭciokaŭ z-pad aryštu, piša LRT.
Hramadzianina Biełarusi pryhavaryli da vaśmi miesiacaŭ i 15 dzion pazbaŭleńnia voli.
Zhodna z materyjałami spravy, nočču 20 krasavika 2023 hoda mužčyna padyšoŭ da ambasady Biełarusi ŭ Vilni i kinuŭ na jaho terytoryju samarobnuju śviečku z haručaj vadkaściu. Na terytoryi pasolstva pačaŭsia pažar, jaki nieŭzabavie patuch samastojna.
Hramadzianina Biełarusi M.B., 1990 hoda naradžeńnia, zatrymali i źmiaścili pad vartu. Znachodziačysia pad aryštam, M.B. sprabavaŭ uciačy, užyŭšy siłu suprać achoŭnikaŭ SIZA, piša vydańnie.
Razhladajučy spravu ŭ apielacyjnym paradku, Vilenski akruhovy sud častkova zadavoliŭ skarhu prakurora i dadatkova pryznaŭ M.B. vinavatym u sprobie ŭciokaŭ.
Kamientary
Nazavicie proźvišča i dajcie fota. Niachaj kibierpartyzany raspaviaduć, chto jon, kim pracavaŭ. Biełarusy pavinny viedać, chto robić pravakacyi suprać Letuvy.
Značyć, hieroj-antyłukašyst.
Tady pytańnie inšaje: chto ŭ Letuvie pieraśleduje biełarusaŭ, jakija vystupajuć suprać złačynnaha režymu Łukašenki, chaŭruśnika Pucina?
Chto hetyja letuviskija dziejačy, jakija stajać na abaronie łukašystaŭ?